وزیراعظم عمران خان کے ویژن کے مطابق یونیورسل ہیلتھ کوریج کو یقینی بنانے کیلئے پر عزم ہیں، ڈاکٹر ظفر مرزا

منگل 5 نومبر 2019 14:17

اسلام آباد (اُردو پوائنٹ اخبارتازہ ترین - این این آئی۔ 05 نومبر2019ء) معاون خصوصی برائے صحت ڈاکٹر ظفر مرزا نے کہاہے کہ وزیراعظم عمران خان کے ویژن کے مطابق یونیورسل ہیلتھ کوریج کو یقینی بنانے کیلئے پر عزم ہیں۔ڈاکٹر ظفرمرزا نے شاہ اللہ دتہ کمیونٹی ہیلتھ سنٹر کا دورہ کیا اور سنٹر کی اپ گریڈیشن تزئین اور آرائش کے کام کا جائزہ لیا گیا ۔

(جاری ہے)

ڈاکٹر ظفر مرزا نے کہاکہ صحت کے شعبے میں ایک نہ دور کا آغاز کیا جا رہا ہے،ملک میں پرائمری ہیلتھ کیئر سسٹم کو مضبوط بنانے کیلئے پہلا تاریخی قدم ہے۔

انہوںنے کہاکہ شاہ اللہ دتہ کمیونٹی ہیلتھ سنٹر ایک لارجر ماڈل ہیلتھ کیئر سسٹم کا حصہ ہوگا ۔ڈاکٹر ظفر مرزا نے کہاکہ اسلام آباد کو ہیلتھ کے حوالے سے ماڈل سٹی بنا رہے ہیں،وزیراعظم عمران خان کے ویژن کے مطابق یونیورسل ہیلتھ کوریج کو یقینی بنانے کیلئے پر عزم ہیں ۔انہوںنے کہاکہ آئندہ ہفتے پہلے ماڈل کمیونٹی ہیلتھ سنٹر کا افتتاح کریں گے ۔