وزیراعلیٰ پنجاب سردارعثمان بزدارکی آئی بی ایس ایف ورلڈسنوکر چیمپئین شپ جیتنے پر محمد آصف کو مبارکباد

ہفتہ 9 نومبر 2019 18:29

لاہور(اُردو پوائنٹ اخبارتازہ ترین - این این آئی۔ 09 نومبر2019ء) وزیراعلیٰ پنجاب سردار عثمان بزدارنے آئی بی ایس ایف ورلڈسنوکر چیمپئین شپ جیتنے پر محمد آصف کو مبارکباددی ہے ۔

(جاری ہے)

وزیراعلیٰ نے کہا کہ محمد آصف نے بہترین صلاحیتوں اورمہارت کا مظاہرہ کر کے پاکستان کا نام روشن کیا ہے اورمحمد آصف کی اس کامیابی پر قوم کو فخر ہے۔انہوںنے کہا کہ محمد آصف کاچیمپئین شپ جیتنا پاکستان کیلئے اعزاز ہے۔ محمد آصف نے پاکستان کا پرچم بلند کیا ہے اور محمد آصف جیسے باصلاحیت کھلاڑی قوم کا قیمتی اثاثہ ہیں۔