پاکستان اور چائنا کی بڑی ٹائر کمپنیوں نے اشترا کی معاہدے پر دستخط کر دیئے
گزشتہ روز پاکستان میں ٹائر تیار کرنے والی مقبول ترین کمپنی ،سروس انڈسٹریز لمیٹڈ اور چائنا کی صف اول کی کمپنی چاؤیانگ لانگ مارچ ٹائر کمپنی لمیٹڈ نے آل اسٹیل ریڈیل ٹرک اور بس ٹائرز کی پاکستان میں تیاری کے حوالے سے مشترکہ معاہدہ پر دستخط کئے
بدھ 20 نومبر 2019 14:30
ترجمان کے مطابق چاؤیا نگ لانگ مارچ ٹائر کمپنی لمیٹڈ کا قیام جنوری 2003میں،1966میں تمام تر اسٹیل ریڈیل ٹائر پروڈکشن لائنز کے ساتھ قائم ہونے والیLiaoningٹائر گروپ کمپنی لمیٹڈ،کی خرید کے بعدعمل میں آیا۔وسیع پیمانے پر کامیابی اور خاطر خواہ ترقی کے بعد ،اب وہ اپنی پراڈکٹس 90سے زائد ممالک کو برآمد کر رہے ہیں۔
ترجمان کے مطابق ،سروس انڈسٹریز لمیٹڈ کا قیام1961میں عمل میں آیا اور یہ پاکستان کی بڑی اور مقبول ترین جوتا ساز اور ٹائر بنانے والی کمپنی ہے۔
(جاری ہے)
سروس سائیکل،موٹر سائیکل اور تھری وہیلرز کے ٹائرز کی تیاری میں مارکیٹ لیڈر کے طور پر کام کررہی ہے۔
حال ہی میں سروس نے ٹریکٹر ٹائر کی مارکیٹ میں قدم رکھا ہے۔کمپنی جوتوں اور ٹائرز کی برآمدات میں پاکستان بھر میں اعلیٰ ترین اور منفرد مقام رکھتی ہے۔ترجمان کے مطابق،اس معاہدے کے تحت سروس لانگ مارچ ٹائرز(پرائیویٹ)لمیٹڈ کے نام سے قائم کی جانے والی اس نئی کمپنی میں سروس انڈسٹریز لمیٹڈ 51%اور چاؤیانگ لانگ مارچ ٹائر کمپنی لمیٹڈ49%کی حصہ دار ہو گی۔
اس حوالے سے پہلے مرحلے کے 250ملین ڈالر کے پراجیکٹ کا آغاز ،سائٹ سندھ میں 100ملین ڈالر سے کیا جائے گا۔اس پراجیکٹ کے لیے زمین اور پلانٹ کے ڈیزائن پر بھی کام شروع کر دیا گیا ہے۔
اس مو قع پر سروس انڈسٹر یز لمیٹڈ کے سی ای او،جناب عارف سعید نے بتایا کہ ہم ٹائر کی صنعت میں50سالوں کا وسیع تجربہ رکھتے ہیں اور نہ صرف یہ کہ ہمارے برانڈ کو ملک بھر میں سب سے زیادہ پذیرائی ملتی ہے بلکہ ہم ڈسٹری بیوشن کے حوالے سے بھی سب سے بڑے نیٹ ورک کے حامل ہیں ۔انہوں نے مزید کہا کہ لانگ مارچ کی شکل میں ہمیں ایک اعلیٰ پائے کا ایسا شراکت دار مل گیا ہے جو نہ صرف ٹیکنالوجی کے استعمال میں اپنا مقام رکھتاہے بلکہ ہم دونوں کا نظریہ ایک بھی ایک جیسا ہی ہے۔انہوں نے کہا کہ ایک دوسرے کے ساتھ مل کر ہم باہمی تعاون سے اسے ایک عالمی سطح کی کمپنی بنائیں گے۔
اشترا کی معاہدے پر دستخط کی اس تقریب سے خطاب کرتے ہوئے چاؤ یا نگ لانگ مارچ ٹائر کمپنی لمیٹڈ کے چیئرمین نے بتایا کہ لانگ مارچ ایک عالمی سطح کا برانڈ ہے ۔انہوں نے کہا کہ اپنی کمپنی کی توسیع کے حوالے سے ہم نے کئی ممالک کا جائزہ لیا اور یہ فیصلہ کیا پاکستان ہی وہ ملک ہے جو ہمیں ایک بڑی مقامی مارکیٹ،سر مایہ کاردوست پالیسیز اور کام کرنے کے لیے بہتر اور ہنر مند افرادی قوت کی فراہمی کے ساتھ ایک بہترین موقع فراہم کررہا ہے۔انہوں نے مزید کہا کہ ہم بطور اپنے مقامی شراکت سروس انڈسٹریز لمیٹڈ کے ساتھ کام کرنے میں بہت خوش ہیں۔ ان کا وسیع تجربہ اور ان کے 3,000ہنر مندورکز ہماری مشترکہ کمپنی کے لیے یاک اثاثہ ثابت ہوں گے۔ہم اپنی نئی فیکٹری سے دنیا بھر میں ٹائرز برآمد کرنے کے حوالے سے نہایت پر امید ہیں۔
ترجمان کے مطابق ،اس تقریب میں تجارت ،صنعت ،ٹیکسٹائل اور سرمایہ کاری کے مشیر ،جناب عبدالرزاق داؤد نے بطور مہمان خصوصی شرکت کی ۔ان کے علاوہ تقریب میں پیپلز ری پبلک آف چائنا کے کونسل جنرل جناب لانگ ڈِن بن ،چیئرمین بی او آئی جناب زبیر گیلانی ،بزنس کمیونٹی کے اراکین اور میڈیا کے افراد نے بھی شرکت کی۔
مزید اہم خبریں
-
وفاقی وزیرداخلہ محسن نقوی کا نان ڈویلپ سکیٹرز کو فوری ڈویلپ کرنے اور اسلام آباد کی اراضی کو ڈیجیٹلائز کرنے کی ہدایات
-
9 مئی کو پی ٹی آئی کو کچلنے کی کوشش کی گئی، سب پہلے سے طے شدہ تھا، بانی پی ٹی آئی
-
شیرافضل مروت کی بانی پی ٹی آئی سے ملاقات نہ کرسکے
-
توشہ خانہ کیس،عمران خان، بشریٰ بی بی کی نیب طلبی کیخلاف درخواست پر فریقین کو نوٹس جاری
-
پاکستان کی بڑی کامیابی،آئی کیوب قمر چاند کے مدار میں داخل
-
وزیراعظم کا ایرانی صدر کے حالیہ دورے میں طے معاہدوں پر بلا تاخیر عمل درآمد کا حکم
-
ملین پاؤنڈ ریفرنس، عمران خان، بشریٰ بی بی کیخلاف مزید ایک گواہ کا بیان قلمبند، ایک پر جرح مکمل
-
حکومت اور ایجنسی کیخلاف مداخلت کے الزامات کا جواب اٹارنی جنرل کے ذریعے جمع کرانے کا حکم
-
امریکا کی کال آنے سے قبل عمران خان کو رہا کرنا چاہیے، مشاہد حسین
-
نائب وزیراعظم اسحاق ڈار اور ازبک وزیر خارجہ نے دفتر خارجہ میں پودا لگایا
-
ایم ایل ون ملک کے مواصلات اور تجارت کے شعبوں کے لیے ناگزیر ہے، احسن اقبال
-
آل پاکستان کلرکس ایسوسی ایشن نے لیو ان کیشمینٹ بحال نہ کرنے پر 15مئی سے احتجاج کی کال دیدی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.