ارشد ندیم ٹوکیو اولمپکس میں کوالیفائی کرانےوالے پہلے پاکستانی کھلاڑی بن گئے

لاہور(اردو پوائنٹ تازہ ترین اخبار۔7 دسمبر2019ء) ساﺅتھ ایشین گیمز میں محمد ارشد نے جیولن تھرو میں گولڈ میڈل جیت لیا۔محمد ارشد نے ساﺅتھ ایشین گیمز میں جیولن تھرو میں گولڈ میڈل حاصل کر کے نیا سیف اور نیا قومی ریکارڈ قائم کر دیا ہے۔ اس کامیابی کے ساتھ ساتھ انہوں نے براہ راست ٹوکیو اولمپکس کیلئے بھی کوالیفائی کر لیا ہے،2018ءکی ایشین گیمز میں کانسی کا تمغہ جیتنے والے22سالہ ارشد ندیم نے ساﺅتھ ایشین گیمز میں86.29میٹر لمبی جیولین تھرو کے ذریعے سیف گیمز میں بھارت کے نیراج چوپڑا کا 2016ءمیں 82.23میٹر تھرو کا ریکارڈ بھی توڑ ڈالا ۔

(جاری ہے)

محمد ارشد ٹوکیو اولمپکس کیلئے براہ راست کوالیفائی کرنے والے پہلے پاکستانی ایتھلیٹ بن گئے ہیں کیوں کہ اولمپکس میں کوالیفائی کرنے کے لیے انہیں کم از کم85میٹر تھرو پھینکنا ضروری تھا۔تیرہویں ساوتھ ایشین گیمز میں پاکستان نے گزشتہ روز 4 گولڈ میڈل جیتے جس کے بعد ایونٹ میں پاکستان کے گولڈ میڈلز کی تعداد 20 ہو گئی ہے۔ گزشتہ روز پاکستان نے ایتھلیٹکس میں 2 گولڈ میڈلز حاصل کئے تھے۔ساﺅتھ ایشین گیمز میں پاکستان نے اب تک 20 گولڈ میڈل، 24 سلور اور 33 برانز میڈلز حاصل کیے ہیں۔