پاکستان کی سمندری حدود میں بلیک بلینکٹ آکٹوپس کی موجودگی کا انکشاف

جمعہ 13 دسمبر 2019 14:31

اسلام آباد (اُردو پوائنٹ اخبارتازہ ترین - اے پی پی۔ 13 دسمبر2019ء) پاکستان کی سمندری حدود سے پہلی مرتبہ دوزندہ بلیک بلینکٹ آکٹوپس ملے ہیں۔برطانوی میڈیا کے مطابق رواں ہفتے پاکستانی ماہی گیروں نے سندھ اور بلوچستان کے قریبی سمندر سے دو زندہ آکٹوپس ملے جنہیں واپس سمندر میں چھوڑ دیا گیا۔

(جاری ہے)

برطانوی میڈیا سے بات کرتے ہوئے ماحول کی بقا کے لیے کام کرنے والے عالمی ادارے ڈبلیو ڈبلیو ایف کے ترجمان مشیر محمد معظم نے بتایا کہ سندھ اور بلوچستان کے قریبی سمندر سے ملنے والے آکٹوپس کی لمبائی1 میٹر کے قریب جبکہ وزن 2 سے ڈھائی کلو کے قریب تھا ایسے بلیک بلینکٹ آکٹوپس بحرالکاہل، بحرِ اوقیانوس اور بحیرہ عرب میں پائے جاتے ہیں، پاکستان کی سمندری حدود میں ان کا ملنا پاکستان کی سمندری حیات میں ایک اضافہ ہے۔

واضع رہے کہ آکٹوپس کا شمار دنیا کے انوکھے گوشت خور جانداروں میں ہوتا ہے، جس کے آٹھ بازو، تین دل اور خون کا رنگ نیلا ہوتا ہے، جبکہ چھوٹی مچھلیاں، جھینگے اور گھونگوں کے علاوہ بعض اقسام کی جیلی فش بھی اس کی خوراک کا حصہ ہیں،یہ آکٹوپس رنگ تبدیل کرنے کے علاوہ جسامت میں کوئی ہڈی نہ ہونے کی وجہ سے یہ کسی بھی سانچے میں ڈھلنے کی صلاحیت رکھتے ہیں۔