پی آئی سی حملہ کیس میں گرفتار وکلاء کی ضمانت کی درخواست پر سماعت 16دسمبر تک ملتوی

ہفتہ 14 دسمبر 2019 20:03

لاہور۔14 دسمبر(اُردو پوائنٹ اخبارتازہ ترین - اے پی پی۔ 14 دسمبر2019ء) لاہور کی انسداد دہشت گردی کی خصوصی عدالت نے پی آئی سی حملہ کیس میں گرفتار چھالیس وکلاء کی ضمانت کی درخواست پرسماعت 16دسمبر تک ملتوی کردی۔ انسداد دہشتگردی کی خصوصی عدالت کے جج ارشد بھٹہ نے سماعت کی، پی آئی سی مقدمات کا ریکارڈ پیش نہ کرنے پر عدالت نے وائرلیس کے ذریعے عدالتی احکامات پرعمل درآمد کی ہدایت کی۔

(جاری ہے)

عدالتی اہلکارنے عدالت کو آگاہ کیا کہ دو مرتبہ وائرلیس کی مگر کوئی جواب نہیں آیا،جس پر عدالت نے ریکارڈ پیش نہ کرنے پرمتعلقہ ڈی ایس پی اور ایس ایچ او کوشوکاز نوٹس جاری کردیے،سپریم کورٹ بار کے نائب صدر غلام مرتضی چوہدری نے عدالت کو بتایاکہ گرفتار وکلاء کا واقعہ سے کوئی تعلق نہیں،عدالت وکلاء کی ضمانت منظور کرے،عدالت نے پولیس کی جانب سے مقدمے کا ریکارڈ پیش نہ کرنے پر درخواست ضمانت کی سماعت 16دسمبرتک ملتوی کردی۔