تحریک انصاف کے سینئر رہنما نیب قانون میں ترامیم کرنے پر حکومت پر سیخ پا

آرڈیننس کے ذریعے بدعنوانوں کو کھلی چھوٹ دیدی گئی، خود حکومت اور حزب اختلاف کے لوگوں کو بھی فائدہ پہنچے گا: جسٹس ریٹائرڈ وجیہ الدین

جمعہ 3 جنوری 2020 01:04

تحریک انصاف کے سینئر رہنما نیب قانون میں ترامیم کرنے پر حکومت پر سیخ ..

اسلام آباد (اردوپوائنٹ اخبار تازہ ترین 2 جنوری 2020) جسٹس ریٹائرڈ وجیہ الدین کا کہنا ہے کہ تحریک انصاف کے سینئر رہنما نیب قانون میں ترامیم کرنے پر حکومت پر سیخ پا، آرڈیننس کے ذریعے بدعنوانوں کو کھلی چھوٹ دیدی گئی، خود حکومت اور حزب اختلاف کے لوگوں کو بھی فائدہ پہنچے گا۔ تفصیلات کے مطابق جسٹس (ر) وجیہ الدین احمد نے نیب ترمیمی آرڈیننس پر تبصرہ کرتے ہوئے کہا ہے کہ نیب آرڈنیس کو سمجھنے کے لیے انہیں قانون کی تعلیم دوبارہ حاصل کرنا پڑے گی۔

اپنے ایک بیان میں چیئرمین عام لوگ اتحادجسٹس (ر) وجیہہ الدین احمد نے کہا کہ حکمرانی کا عجیب و غریب انداز اپنایا جا رہا ہے، ابتدائی نیب آرڈیننس 1999 عملاً ختم کر دیا گیا ہے اور اب نااہلی سے قومی خزانے کو پہنچنے والا نقصان کرپشن کے ذمرے میں نہیں آئیگا۔

(جاری ہے)

وجیہ الدین احمد نے کہا کہ آرڈیننس کے ذریعے بدعنوانوں کو کھلی چھوٹ دیدی گئی،خود حکومت اور حزب اختلاف کے لوگوں کو بھی فائدہ پہنچے گا۔

انہوں نے کہا کہ حکمرانوں نے اپنے موجودہ حالات کو تحفظ دیا ہے، آنے والے وقتوں کے لیے بھی حکمرانوں نے خلاصی حاصل کر لی ہے۔جسٹس (ر) وجیہہ الدین کے مطابق احتساب کے نعرے سے ہوا نکل گئی ہے، یہ ایک بہت وسیع پیمانے پر پھیلا ہوا این آر او ہے۔