چین کے دیہی علاقوں میں خوشحالی کی بڑی وجہ ای کامرس

ای کامرس پلیٹ فارم سے 2018 میں زرعی اور دوسری متعلقہ مصنوعات کی سیل میں 200 فیصد سے 9.39 بلین ڈالر کا اضافہ ہوا،تھنک ٹینک

منگل 14 جنوری 2020 18:00

بیجنگ۔ (اُردو پوائنٹ اخبارتازہ ترین - اے پی پی۔ 14 جنوری2020ء) چین کے دیہی علاقوں میں خوشحالی کی بڑی وجہ وہاں تک ای کامرس کا پہنچنا ہے جن کے پلیٹ فارمز کے ذریعے دیہی علاقوں کی پیداوار آج شہری علاقوں کو براہ راست سپلائی ہو رہی ہے اور کسان و دستکار پھل پھول رہا ہے ۔چین کی وزارت کامرس کے تھنک ٹینک چائنا اکیڈمی آف انٹرنیشنل ٹریڈ اینڈ اکنامکس کوآپریشن کی رپورٹ کے مطابق چین میں ای کامرس پلیٹ فارموں کے ذریعے زرعی اور دستکاری کی مصنوعات کی شہروں اور متعلقہ مارکیٹوں میں سپلائی اور دیہی آبادی کی انٹرنیٹ تک رسائی اور اس کے استعمال کے متعلق شعور کی بیداری اس تمام خوشحالی اور غربت کی شرح میں کمی لئے بوسٹر ثابت ہوا ہے۔

چینی ای کامرس پلیٹ فارمز جیسے کہ پنڈائوڈائو ہے جو چینی حکومت کے ساتھ مل کر غریب گھرانوں تک رسائی کر رہا ہے جہاں کی پیداوار انہیں ای کامرس پلیٹ فارمز سے ہو کر پروسسنگ اور سیل پوائنٹس تک پہنچ کر ملک کی غربت مکائو قومی مہم میں تیزی لا رہی ہے۔

(جاری ہے)

پنڈائوڈائو کے مطابق ان کے ای کامرس پلیٹ فارم سے 2018کے دوران زرعی مصنوعات اور دوسری متعلقہ مصنوعات کی سیل میں 200 فیصد سے 65 بلین یوان ( 9.39 بلین ڈالر) زیادہ کا اضافہ ہوا اور توقع ہے کہ 2019 میں یہ حجم دوگنا ہو کر120 بلین یوان کو پار کر جائے گا۔

رپورٹ کے مطابق دوسری طرف شہروں میں تیار ہونے والی اشیاء بنانے والی کمپنیاں دیہاتیوںکے معیار زندگی کو بہتر بنانے کے لئے دیہی علاقوں میں اپنی مصنوعات کو انہیں ای کامرس پلیٹ فارموں سے متعارف کرا رہی ہیں۔ اس ضمن میں گزشتہ سال کی پہلی سہ ماہی میں چین میں آن لائن ریٹیل سیل میں 19.7اور پروڈیوس سیلز میں 26.4 فیصد اضافہ ہوا جوسالانہ اعتبار سے 3سے 10 فیصد کے ساتھ آگے جا رہی ہے۔