بوئنگ کے میکس 737 طیاروں کوآپریشنل کرنے کا عمل موخر، حصص کے نرخ 3.3 فیصد گرگئے

بدھ 22 جنوری 2020 21:19

نیویارک(اُردو پوائنٹ اخبارتازہ ترین - آن لائن۔ 22 جنوری2020ء) امریکی طیارہ ساز کمپنی بوئنگ کے میکس 737 طیاروں کو دوبارہ آپریشنل کرنے کا عمل رواں سال کے وسط تک موخر، حصص کے نرخ 3.3 فیصد گرگئے۔

(جاری ہے)

کمپنی کی جانب سے گزشتہ روز جاری بیان کے مطابق میکس 737 طیاروں کو دوبارہ آپریشنل کرنے کا عمل بعض وجوہات کی بنیاد پر رواں سال کے وسط تک موخر کیا جارہا ہے ۔اس بیان کے بعد امریکی سٹاک مارکیٹ میں بوئنگ کے حصص 3.3 فیصد گر کر 313.37 ڈالر فی شیئر کی سطح پر بند ہوئے۔ادھر امریکہ کی فیڈرل ایوی ایشن اتھارٹی نے بھی گزشتہ روز ایک بیان میں کہا ہے کہ بوئنگ کے میکس طیاروں کی سرٹیفکیشن کے حوالے سے فی الحال کوئی ٹائم فریم نہیں دیا جاسکتا۔