کامیڈی کے بادشاہ امان اللہ خان 70 سال کی عمر میں انتقال کر گئے، 860دنوں پرمحیط نائٹ تھیٹر کر کے عالمی ریکارڈ بنایا

جمعہ 6 مارچ 2020 13:34

اسلام آباد (اُردو پوائنٹ اخبارتازہ ترین - اے پی پی۔ 06 مارچ2020ء) کامیڈی کے بادشاہ امان اللہ خان70سال کی عمر میں انتقال کر گئے۔

(جاری ہے)

1950ء میں لاہور میں پیدا ہونے والے امان اللہ کامیڈی کی دنیا میں منفرد مقام رکھتے تھے، انہوں نے 860 دنوں پر محیط نائٹ تھیٹر کر کے عالمی ریکارڈ بنایا ، انہیں 2018ء میں صدر پاکستان کی جانب سے پرائیڈ آف پرفارمنس ایوارڈ سے نوازا گیا، ان کے مشہور تھیٹر ڈراموں میں ’’بیگم ڈش انٹینا، ڈسکو دیوانے، کھڑکی کے پیچھے، محبت سی این جی، یو پی ایس، سوہنی چن ورگی، بڑا مزہ آئے گا اور کیچپ ‘‘ شامل ہیں، انہوں نے تھیٹر پلے کے علاوہ 2006ء میں بننے والی فلم’’ون ٹو کا ون‘‘ اور 2014ء میں بننے والی فلم’’نامعلوم افراد‘‘ میں بھی اداکاری کے جوہر دکھائے، اس کے علاوہ انہوں نے مختلف چینلز کے ساتھ پروگرام بھی کیے جن میں ’’خبر ناک‘‘ ، ’’مذاق رات‘‘ اور ’’خبر زار‘‘ شامل ہیں جن میںانہوں نے اپنے ساتھی کامیڈینز کے ساتھ مل کر شائقین کے دل جیت لیے۔