سر سیّد احمد خاں کی122ویں برسی کل منائی جائے گی

جمعرات 26 مارچ 2020 21:46

جہانیاں(اُردو پوائنٹ اخبارتازہ ترین - آن لائن۔ 26 مارچ2020ء) تحریک پاکستان کے عظیم رہنما سر سیّد احمد خاں کی122ویں برسی کل(27مارچ) جمعہ کومنائی جائے گی اس سلسلے میں جہانیاں سمیت ملک بھرمیں مسلم نشاط ثانیہ کے علمبردار سر سیّد احمد خاں کی ادبی و علمی خدمات کو شاندار الفاظ میں خراج عقیدت پیش کیا جائے گا ۔سر سیّد احمد خاں1817ء میں دہلی میں پیدا ہوئے وہ انیسویں صدی کے ایک عظیم رہبر تھے انہوں نے ہندوستانی مسلمانوں کوباعزت قوم بنانے کیلئے سخت جدوجہد کی سر سیّد احمد خاں کی پوری زندگی قوم کی خدمت کرتے گزری وہ ایک بلند پایہ مفکر،مصنف جلیل القد رہنما تھے۔

سر سیّد احمد خاں نے اپنی ادبی تخلیقات سے مسلمانان ہند میںایک عظیم انقلاب برپا کیا اسی وجہ سے علی گڑھ تحریک کی بنیاد پڑی۔

(جاری ہے)

سر سیّد احمد خاں نے ادبی خدمات کیلئی1857ء میںمحمڈن اینگلو اورینٹل کالج کی بنیاد رکھی جسی1920ء میں یونیورسٹی کا درجہ ملا اور آج اسے علی گڑھ مسلم یونیورسٹی کی حیثیت سے عالمی شہرت حاصل ہے۔سر سیّد ایک بلند پایہ مبلغ تھے انہوں نے انہوں نے قرآن پاک کی تفسیر لکھی لیکن اسے پایہ تکمیل تک نہ پہنچا سکے۔سر سیّد احمد خاںکا قوم پر اتنا بڑا احسان ہے کہ بر صغیر کے مسلمانوں میںآج جو تعلیم عام نظر آتی ہے اس کی داغ بیل سر سیّد احمد خاں نے ڈالی۔محسن قوم و ملت سر سیّد احمد خاں 27مارچ 1898ء کو علی گڑھ میں انتقال کر گئے تھے انہیں وہیں پر دفن کیا گیا ہے ۔

Facebook Twitter Google + Share on Whatsapp

سر سیّد احمد خاں کی122ویں برسی کل منائی جائے گی

متعلقہ عنوان :

مزید تعلیم کی خبریں