رواں ماہ کے دوران سویابین کی بہاریہ فصل پر سفید مکھی زرد موزیک کاحملہ کرسکتی ہے،کاشتکار کنٹرول کیلئے بروقت اقدامات کریں،زرعی ماہرین کی ہدایت

منگل 31 مارچ 2020 13:44

فیصل ۱ٓباد (اُردو پوائنٹ اخبارتازہ ترین - اے پی پی۔ 31 مارچ2020ء) :ماہرین زراعت نے کہاہے کہ رواں ماہ اپریل کے دوران سویابین کی بہاریہ فصل پر سفید مکھی زرد موزیک کاحملہ کرسکتی ہے لہٰذا کاشتکار زرد موزیک کے کنٹرول کیلئے بروقت اقدامات کریں۔کاشتکاروں کا نام پیغام میں انہوںنے کہاکہ سویابین نہ صرف ایک منافع بخش فصل ہے بلکہ اس کے بیج میں 38 سے 42 فیصد تک پروٹین اور 18سی21 فیصد تک اعلیٰ قسم کا تیل پایاجاتاہے جو دل کے عارضہ میں مبتلا مریضوں کیلئے انتہائی مؤثر ہونے کے علاوہ اس کا آٹا شوگر کے مریضوں کیلئے انتہائی مفید ہے ۔

انہوںنے بتایاکہ سویابین سے خوردنی تیل ، گھی ، خشک دودھ ، سویامکھن ، بیکری آئٹمز سمیت 200سے زائد مختلف اقسام کی خوردنی اشیاء تیار کی جاتی ہیں۔

(جاری ہے)

انہوںنے بتایاکہ سویابین پھلی دار اجناس مونگ ، ماش ، لوبیا، برسیم ،گوارہ کے خاندان سے تعلق رکھتی ہے یہی وجہ ہے کہ اس کی جڑوں پر لگے منکوں پر نائٹروجن جمع کرنے والے جرثومے ہوتے ہیں جو 60 کلوگرام فی ہیکٹر نائٹروجن جمع کرتے ہیں جس سے زمین کی ذرخیزی میں زبردست اضافہ ہوتاہے اور آئندہ کاشت ہونے والی فصلات بھی اس ذرخیزی سے مستفید ہوتی ہیں۔

انہوںنے بتایا کہ بہاریہ سویابین کی فصل 120روز میں پک کر تیار ہو جاتی ہے۔انہوںنے کہاکہ کاشتکار مزید رہنمائی کیلئے ماہرین زراعت یا محکمہ زراعت کے فیلڈ سٹاف کی خدمات سے بھی استفادہ کرسکتے ہیں۔

Facebook Twitter Google + Share on Whatsapp

رواں ماہ کے دوران سویابین کی بہاریہ فصل پر سفید مکھی زرد موزیک کاحملہ کرسکتی ہے،کاشتکار کنٹرول کیلئے بروقت اقدامات کریں،زرعی ماہرین کی ہدایت

متعلقہ عنوان :

مزید زراعت کی خبریں