منال خان نے قرنطینہ میں آن لائن کوکنگ کلاسز کا آغاز کر دیا

جمعرات 9 اپریل 2020 13:00

لاہور (اُردو پوائنٹ اخبارتازہ ترین - این این آئی۔ 09 اپریل2020ء) گھر میں قرنطینہ کرنے والی اداکارہ منال خان نے آن لائن کوکنگ کلاسز شروع کر دیں، ان کا کہنا ہے کہ بہت ساری لڑکیاں انہیں فالو کر رہی ہیں۔۔میڈیا رپورٹ کے مطابق اداکارہ نے اپنی ایک تصویر شیئر کی جس میں وہ برگر تیار کر رہی ہیں۔

(جاری ہے)

منال خان نے سوشل میڈیا پر لکھا کہ کھائیں، پیئں اور قوت مدافعت بڑھائیں، کچن میں اٹھتی خوشبو اس بات کی عکاس ہوتی ہے کہ گھر کی لڑکیاں کتنی سلیقہ شعار ہیں اور انکے ہاتھ میں کتنی لذت ہے۔منال خان کا کہنا تھا کہ بچپن سے کھانا پکانے میں دلچسپی رہی ہے اور میں یہی چاہتی ہوں کہ ہرلڑکی خود کھانا پکائے، مجھے بہت ساری لڑکیاں فالو کررہی ہیں۔