پاکستان اسٹاک ایکس چینج میں تیزی ، مارکیٹ کی سرمایہ کاری مالیت 38ارب34کروڑ10لاکھ روپے بڑھ گئی

کراچی (اُردو پوائنٹ اخبارتازہ ترین - این این آئی۔ 05 جون2020ء) پاکستان اسٹاک مارکیٹ میںایک روزہ مندی کے بعد جمعہ کو ریکوری آئی جس کے باعث کے ایس ای100انڈیکس231.03پوائنٹس کے اضافے سی34350.42پوائنٹس کی سطح پرپہنچ گیا اور59.87فیصد کمپنیوں کے حصص کی قیمتوں میں اضافہ ریکارڈکیا گیا جس کے نتیجے میں مارکیٹ کی سرمایہ کاری مالیت 38ارب34کروڑ10لاکھ روپے بڑھ گئی تاہم اگلے ہفتے بجٹ پیش ہونے اور کرونا وائرس کے کیسز بڑھنے کے سبب حصص کی لین دین کے لحاظ سے کاروباری حجم مایوس کن رہا۔

پاکستان اسٹاک ایکس چینج میںگزشتہ روزٹریڈنگ کا آغاز منفی زون میں ہوا اور ابتدائی اوقات میں کے ایس ای100انڈیکس34081پوائنٹس کی نچلی سطح پر آ گیاتاہم بعد ازاں34ہزار کی نفسیاتی حد کے قریب خریداری کا رجحان بڑھ گیا جس کے باعث منفی اثرات زائل ہوگئے اور مارکیٹ مثبت زون میں داخل ہوگئی تیزی کا رجحان آخرتک برقرار رہااورمارکیٹ کے اختتام پر 231.03پوائنٹس کے اضافے سی34350.42پوائنٹس ہو گیا جبکہ کے ایس ای30انڈیکس 85.48پوائنٹس کے اضافے سی15000.89پوائنٹس اور کے ایس ای آل شیئرز انڈیکس144.47پوائنٹس کے اضافے سے 34350.42پوائنٹس پر بند ہوا ۔

(جاری ہے)

گزشتہ روز مجموعی طور پر319کمپنیوں کے حصص کاروبار ہوا جس میں سے 191کمپنیوں کے حصص کی قیمتوں میں اضافہ103میں کمی اور 25کمپنیوں کے حصص کی قیمتوں میں استحکام رہا۔تیزی کے سبب سرمائے کا مجموعی حجم64کھرب94ارب8کروڑ97لاکھ روپے سے بڑھ کر65کھرب32ارب43کروڑ7لاکھ روپے ہو گیاجب کہ کاروباری حجم صرف 8کروڑ91لاکھ 34ہزار137شیئرز تک محدود رہا جو جمعرات کے مقابلے میں بھی 1437.94فیصد کم ہے ۔

قیمتوں میں اتار چڑھائو کے اعتبار سے صنوفی ایونٹس کے حصص کی قیمت30روپے کے اضافے سے 858روپے اورایبٹ لیب کے حصص کی قیمت24.66روپے کے اضافے سی559.91روپے ہو گئی جبکہ سن ریزٹیکسٹائل کے حصص کی قیمت22.49روپے کی کمی سی280.50روپے اور شیلڈ کارپوریشن کے حصص کی قیمت19.03روپے کی کمی سی234.97روپے پر آ گئی ۔نمایاں کاروباری سرگرمیوں کے لحاظ سے میپل لیف،جہانگیر صدیق کمپنی ،ٹی آر جی پاک، یونٹی فوڈز،ایم اے سی پی اے سی فلمز ،ہیسکول پٹرول،ہم نیٹ ورک ،پایونیئر سیمنٹ ،کوٹ ادو پاور اورپاک الیکٹران کے حصص سرفہرست رہے ۔