لاک ڈائون کی وجہ سے پچھلے دو ماہ سے بند لائسنسنگ کا پروسیس ماہ جون سے شروع ہو چکا ہے،محمد بن اشریف

چکوال(اُردو پوائنٹ اخبارتازہ ترین - این این آئی۔ 06 جون2020ء) ڈی پی او چکوال محمد بن اشرف نے کہا ہے کہ کرونا کے حوالے سے لاک ڈائون تھا اور لائسنسنگ کا پروسیس پچھلے دو ماہ سے بند تھا جو کہ اب حکومت پنجاب کی ہدایت کے مطابق اس ماہ جون سے شروع ہو چکا ہے۔لیکن ضرورت اس امر کی ہے کہ لائسنسنگ کے حوالے سے آنے والے تمام امیدواران ایس او پیز کی پابندی کریں۔

ماسک کا استعمال،سینیٹائزر کا استعمال اور انکا ٹمپریچر بھی چیک کیا جا رہا ہے۔اسکے ساتھ ساتھ فیلڈ میں جو ہماری یونٹس کام کر رہے ہیں ہم نے سختی سے ہدایت جاری کی ہے کہ لاک ڈائون میں نرمی کے پیش نظر لوگ رش سے گریز کریں۔اور ٹریفک کے مسائل کم کرنے میں بھی پولیس کی مدد کی جائے۔انہوں نے کہا کہ کرونا کے پیش نظر ہم کسی جگہ رش کی اجازت نہیں دے سکتے اسکے علاوہ تلہ گنگ کے علاقہ میں کافی عرصہ سے یہ ڈیمانڈ تھی کہ انہیں لائسنسنگ کے حصول کے لیے چکوال سٹی کا رخ کرنا پڑتا ہے۔

(جاری ہے)

ہم نے ایک دن مہینے میں تلہ گنگ میں ارینج کیا ہے کہ وہ وہی اپنا سارا ٹیسٹ اور پروسیجر مکمل کروا سکتے ہیں تا کہ انہیں چکوال نہ آنا پڑے۔ڈی ایس پی ٹریفک ملک محمد انور نے بتایا کہ عرصہ دو مہینے کی بندش کے بعد چکوال میں دوبارہ لائسنسنگ کا اجراء کا انعقاد ہو چکا ہے۔اس سلسلہ میں تمام ٹریفک پولیس کے افسران بورڈ لائنسنگ برانچ کو سختی کے ساتھ ڈی پی او صاحب کی طرف سے ہدایت کی گئی ہے کہ میرٹ پر تمام ڈرائیونگ امیدوار کا ڈرائیونگ ٹیسٹ لیا جائے اور انکو میرٹ پر ڈرائیونگ لائسنس ایشو کیا جائے۔اس موقع پر لائسنسنگ کے انچارج انسپکٹر ملک عدیل شہزاد اور ریڈر سب انسپکٹرریحان بھی موجود تھے۔