یونیورسٹی آف ساہیوال میں پبلک اکاؤٹنٹ سرٹیفکیٹ حاصل کرنے کے لئے خصوصی ورکشا پ کاانعقاد

پیر جون 23:12

چیچہ وطنی ۔ (اُردو پوائنٹ اخبارتازہ ترین - اے پی پی۔ 29 جون2020ء) یونیورسٹی آف ساہیوال میں پبلک اکاؤٹنٹ سرٹیفکیٹ حاصل کرنے کے لئے ایک خصوصی ورکشا پ کا اہتمام کیا گیا جس میں طلبا و طالبات کو یونائیٹڈ سٹیٹس اکاوٹنٹ سرٹیفکیٹ کے لئے درکاربنیادی تعلیم کے بارے میں تفصیلی آگہی دی گئی۔

(جاری ہے)

سیمینار کا اہتمام ڈائریکٹر او آر آئی سی ڈاکٹر وارث علی نے کیا تھا جس میں 80 سے زائد شعبہ بزنس ایڈمنسٹریشن کے طلباء و طالبات اور اساتذہ نے شرکت کی واضح رہے کہ یہ سرٹیفکیٹ امریکہ اور دوسرے ترقی یافتہ ممالک میں رائج اکاٹنٹ پریکٹس کے لئے ضروری ہیں تا کہ وہاں مروجہ طریقہ کار کے بارے میں آگہی ہو سکے۔

سیمینار میں یونیورسٹی آف لاہور کے پروفیسر ڈاکٹر محمد مقبول نے شرکا ء کو سرٹیفکیٹ کی اہمیت سے آگاہ کیا اور دیگر ضروری معلومات بھی فراہم کیں۔ سیمینار کے اختتام پر سوال و جواب کا سیشن ہوا جس میں طلبا و طالبات نے امریکہ میں اکاؤنٹنٹ کی جاب حاصل کرنے کے حوالے سے معلومات حاصل کیں۔ سیمینار میں ڈپٹی ڈائریکٹر او آر آئی سی ڈاکٹر محمد حسنین،ڈاکٹر محمد رفیق اور ڈاکٹر محمد اکرام نے بھی شرکت کی ۔