پاکستان کی بڑی ٹرانسپورٹ کمپنی نے ڈرائیوروں کی چھ ماہ سے تنخواہیں روک لیں

پتوکی (اُردو پوائنٹ اخبارتازہ ترین - آن لائن۔ 09 جولائی2020ء) پاکستان کی بڑی ٹرانسپورٹ کمپنی نے ڈرائیوروں کی چھ ماہ سے تنخواہیں روک لیں 29 ڈرائیورز کو نوکری سے نکال دیا ساڑھے دس ہزار روپے ماہانہ تنخواہ پر کام نہیں کر سکتے تنخواہوں میں اضافہ کیا جائے ہمارے تمام ڈرائیورز کو نوکریوں پر بحال اور سیلری میں اضافہ اور روکی گئی سیلریوں پر فل فور اقدامات نہ کئے گئے تو ہم اپنے حق کیلئے وزیر اعلیٰ ہاؤس کے سامنے دھرنا دیں گے صدر ڈرائیور یونین محمد آصف کی پریس کلب پتوکی میں پریس کانفرنس تفصیلات کے مطابق پتوکی TSL,BSL نیو اتفاق ٹرانسپورٹ ڈرائیور ورکرز یونین کے صدر محمد آصف نے پریس کلب رجسٹرڈ پتوکی میں پریس کانفرنس کرتے ہوئے بتایا ہے کہ ہم عرصہ بیس بائیس سال سے TSL, BSL کمپنی میں بطور ڈرائیورز ساڑھے دس ہزار روپے سیلری پر کام کر رہے ہیں جس سے ہمارا گزارا بہت مشکل سے ہوتا ہے کمپنی نے ہماری چھ ماہ سے تنخواہیں بھی روک رکھی ہیں اور ہمارے ساتھی 29 ڈرائیورز کو نوکری سے بھی نکال دیا ہے جو کہ ہمارے ساتھ ظلم ہے اور نا انصافی ہے اس حوالے سے ہم پتوکی کے اسسٹنٹ کمشنر آصف علی ڈوگر اور لیبر افسر سے ملے مگر کوئی سنوائی نہ ہوسکی ڈی سی قصور، چیف سیکرٹری پنجاب،وزیر اعلی پنجاب فوری طورپر نوٹس لیکر ہمارے تمام ڈرائیور کو نوکریوں پر بحال اور سیلری میں اضافہ اور روکی گئی سیلریاں دلوائیں اگر فل فور اقدامات نہ کئے گئے تو ہم اپنے حق کیلئے وزیر اعلی ہاؤس کے سامنے دھرنا دیں گی