"عمران خان صبح روز اٹھ کر اپنے پائوں میں گولی مارتے ہیں اور پھر کہتے ہیں بڑا درد ہورہا ہے"

سینئر صحافی روف کلاسرا کی جانب سے ٹوئٹ کی گئی وزیراعظم کے معاون خصوصی معید یوسف کی ویڈیو سوشل میڈیا پر وائرل ہوگئی

محمد علی جمعہ 31 جولائی 2020 20:53

لاہور (اُردو پوائنٹ اخبارتازہ ترین۔ 31 جولائی2020ء) "عمران خان صبح روز اٹھ کر اپنے پائوں میں گولی مارتے ہیں اور پھر کہتے ہیں بڑا درد ہورہا ہے"، سینئر صحافی روف کلاسرا کی جانب سے ٹوئٹ کی گئی وزیراعظم کے معاون خصوصی معید یوسف کی ویڈیو سوشل میڈیا پر وائرل ہوگئی۔ تفصیلات کے مطابق سینئر صحافی روف کلاسرا کی جانب سے وزیراعظم عمران خان کے معاون خصوصی معید یوسف کی ایک ویڈیو ٹوئٹ کی گئی ہے جو سوشل میڈیا پر کافی وائرل ہوئی ہے۔

“عمران خان صبح روز اٹھ کر اپنے پائوں میں گولی مارتے ہیں اور پھر کہتے ہیں بڑا درد ہورہا ہے”
معید یوسف نے عمران خان بارے یہ کب اور کہاں کہا تھا؟
زرا سنیے۔۔
👇 pic.twitter.com/SF0298aFYx
— Rauf Klasra (@KlasraRauf) July 30, 2020

اس ویڈیو میں معید یوسف کی جانب سے وزیراعظم عمران خان پر تنقید کی جا رہی ہے۔ ایک نجی ٹی وی چینل کے پروگرام سے گفتگو کرتے ہوئے معاون خصوصی معید یوسف کی جانب سے وزیراعظم پر تنقید کرتے ہوئے کہا گیا کہ عمران خان صبح روز اٹھ کر اپنے پائوں میں گولی مارتے ہیں اور پھر کہتے ہیں بڑا درد ہورہا ہے۔

(جاری ہے)

بتایا گیا ہے کہ یہ ویڈیو کچھ عرصہ پرانی ہے۔

معید یوسف کی جانب سے جب یہ بیان دیا گیا، تب انہیں معاون خصوصی کا عہدہ نہیں ملے تھا۔ اس ویڈیو پر صارفین نے ردعمل دیتے ہوئے کہا گیا ہے کہ وزیراعظم کو معلوم ہونا چاہیئے کہ جن لوگوں کو انہوں نے اپن کابینہ میں شامل کر رکھا ہے، وہ ان کے بارے میں کیا رائے رکھتے ہیں۔ جبکہ کچھ صارفین کا کہنا ہے کہ معید یوسف شاید کسی خاص معاملے پر عمران خان پر تنقید کر رہے تھے۔ اب اگر وہ وزیراعظم کے معاون خصوصی ہیں تو اس کا مطلب ہے کہ انہوں نے بطور لیڈر عمران خان کی پالیسیوں کو قبول کیا ہے۔