نیشنل تھروبال کوچنگ کورس (کل) سے شروع ہو گا

بدھ 2 ستمبر 2020 14:10

․ اسلام آباد ۔ (اُردو پوائنٹ اخبارتازہ ترین - اے پی پی۔ 02 ستمبر2020ء) پاکستان تھروبال فیڈریشن کے زیراہتمام اور خیبر پختونخواتھرو بال ایسوسی ایشن کے تعاون سے تین روزہ نیشنل تھروبال کوچنگ کورس (کل) جمعہ سے ناران میں شروع ہو گا۔ کورس کا افتتاح پاکستان تھروبال فیڈریشن کے صدر محمد رزاق گل کریں گے۔

(جاری ہے)

پاکستان تھروبال فیڈریشن کے سیکرٹری جنرل مقبول آرائیں نے سرکاری خبر رساں ادارے کو بتایاکہ کورس کے تمام انتظامات مکمل کر لئے گئے ہیں اور کورس میں ملک بھر سے مرد اور خواتین کھلاڑی، کوچز، ٹیکنیکل آفیشلز اور سکول ٹیچرز کے علاوہ تعلیمی اداروں کے طلبا و طالبات شرکت کریں گی۔

انہوں نے کہا کہ کورس میں تھروبال، روپ سکیپنگ اور روک بال کے قوانین کے بارے میں آگاہی فراہم کرنے کے ساتھ ساتھ کھیلوں کے پریکٹس میچز بھی کروائے جائیں گے۔ کورس 6 ستمبر تک جاری رہے گا اور کورس کے اختتام پر شرکا میں اسناد بھی تقسیم کی جائیں گی۔

Facebook Twitter Google + Share on Whatsapp

نیشنل تھروبال کوچنگ کورس (کل) سے شروع ہو گا

متعلقہ عنوان :

مزید کھیلوں کی خبریں