صرافہ ایسوسی ایشن سکھر کے ممبر کے سوگ میں صرافہ بازار مکمل طور پر بند رہا

پیر ستمبر 23:17

سکھر۔7 ستمبر(اُردو پوائنٹ اخبارتازہ ترین - اے پی پی۔ 07 ستمبر2020ء) صرافہ ایسوسی ایشن سکھر کے ممبر شرافت حسین بنائی والے انتقال کر گئے، جن کے سوگ میں صرافہ بازار مکمل طور پر بند رہا۔

(جاری ہے)

مرحوم کی نماز جنازہ منور مسجد اسٹیشن روڈ پر ادا کی گئی جس میںصرافہ ایسوسی ایشن سکھر کے صدر حاجی محمد جاوید میمن، حاجی غلام شبیر بھٹو، بابو عبدالکریم، ذاکر بندھانی، ذاکر خان، سعید احمد، عمران اللہ، محمد رفیق،محمد عرفان،محمد لیاقت،فیاض خان، عتیق اللہ سومرو، محمد اکرم،خادم حسین انڑ، و دیگر تاجروںاور شہریوں نے بڑی تعداد میں شرکت کی۔

بعدازاں مرحوم کو مقامی قبرستان میں سپرد خاک کیا گیا۔شرافت حسین کے انتقال پر صرافہ ایسوسی ایشن سکھر کے صدر حاجی محمد جاوید میمن و دیگر نے مرحوم کے گھر جاکر ورثاء سے تعزیت کا اظہار کیا اور دعا کی کہ اللہ پاک مرحوم کی مغفرت فرماکر جنت الفردوس میں اعلیٰ مقام عطا فرمائے اور لواحقین کو یہ صدمہ برداشت کرنے کی توفیق دے۔