گلوکارہ راگنی نے دوبارہ سے شوبز سر گرمیوں کا آغاز کر دیا

والد کے انتقال کے بعد دنیا سے دل ہی اچاٹ ہو گیا تھا، دعا ہے خدا کی ذات مجھے صبر دے‘ گفتگو

منگل 8 ستمبر 2020 11:45

لاہور(اُردو پوائنٹ اخبارتازہ ترین - این این آئی۔ 08 ستمبر2020ء) نامور گلوکارہ راگنی نے دوبارہ سے شوبز سر گرمیوں کا آغاز کر دیا ۔بتایا گیا ہے کہ گلوکارہ راگنی نے اپنے والد کے انتقال کی وجہ سے گلوکاری ترک کر رکھی تھی تاہم ا ب انہوں نے دوبارہ سے اپنی شوبزدی سر گرمیاں شروع کر دی ہیں ۔

(جاری ہے)

راگنی نے کہا کہ والد کے انتقال کا صدمہ اس قدر شدید تھا کہ میرا دنیا سے دل ہی اچاٹ ہوگیاتھا، والد کے خلا کو ساری زندگی خلا پر نہیں کیا جا سکتا ۔ انہوں نے کہا کہ میری خدا کی ذات سے دعا ہے کہ میرے والد کی آئندہ کی منزلیں آسان ہوں اور مجھے بھی صبر آ جائے ۔