نیو کراچی انڈسٹریل ایریا میں خاتون کی پر اسرار ہلاکت، پولیس نے ملزمان کو گرفتار کرلیا

کراچی(اُردو پوائنٹ اخبارتازہ ترین - این این آئی۔ 26 ستمبر2020ء) نیو کراچی انڈسٹریل ایریا میں خاتون کی پر اسرار ہلاکت پولیس نے ملزمان کو گرفتار کرلیا۔

(جاری ہے)

تفصیلات کے مطابق نیو کراچی انڈسٹریل ایریا میں جمعرات اور جمعہ کی درمیانی شب ثنازوجہ نوید کی ایک مکان سے نعش برآمد ہوئی تھی، ابتدائی تفتیش کے مطابق ثنازوجہ نوید مقتولہ نے پانچ سال قبل نوید نامی شخص سے پسند کی شادی کی تھی ،گھریلو لڑائی جھگڑے اور ناچاقی کی بنا پر تین ماہ قبل اپنی دوست صدف کے پاس رہائش پذیر تھی، نیو کراچی انڈسٹریل ایریا پولیس نے سرفراز صدف اور شمع نامی ملزمان کو نیو کراچی انڈسٹریل ایریا کی حدود سے گرفتارکر لیا ،گرفتارملزمان مقتولہ ثنازوجہ نوید کے قتل میں ملوث ہیں،ملزمان شمع اور صدف مقتولہ کی قریبی دوست ہیں اور ملزم سرفراز صدف کا بھائی ہے،ثنازوجہ نوید نے تین روز قبل گودھرا مکہ مسجد کے قریب کرائے پر مکان لیا تھا ،مقتولہ کے گھر ملزم سرفراز کا آنا جانا تھا،ابتدائی تفتیش کے مطابق مقتولہ کو پہلے تشدد کا نشانہ بنایا گیا اس کے بعد قتل کی واردات کی گئی،جائے وقوعہ سے ملنے والے شواہد اور نعش کی کو پوسٹ مارٹم کے لیے ہسپتال روانہ کر دیا گیا ہے ،میڈیکل رپورٹ آنے کے بعد مزید جیسی صورتحال ہوگی ویسی کاروائی عمل میں لائی جائے گی ،اس موقع پر نیو کراچی انڈسٹریل ایریا کے ایس ایچ اوکا کہنا ہے کہ کراچی پولیس خواتین کے تحفظ اور ان کو جانی و مالی تحفظ فراہم کرنے پر اپنا کلیدی کردار ادا کر رہی ہے