جنرل الیکشن 2018کو دھاندلی زدہ کہنے والی بڑی سیاسی جماعتوں پیپلز پارٹی اور مسلم لیگ ن کی جانب سے انتخابی حلقوں میں دھاندلی سے متعلق مجموعی طور پر 72پٹیشنز داخل

پیر 5 اکتوبر 2020 23:07

اسلام آباد(اُردو پوائنٹ اخبارتازہ ترین - آن لائن۔ 05 اکتوبر2020ء) جنرل الیکشن 2018کو دھاندلی زدہ کہنے والی بڑی سیاسی جماعتوں پیپلز پارٹی اور مسلم لیگ ن کی جانب سے انتخابی حلقوں میں دھاندلی سے متعلق مجموعی طور پر 72پٹیشنز داخل کی گئی ہیں جبکہ دیگر سیاسی جماعتوں اور آزاد امیدوار کی جانب سے قومی اور صوبائی اسمبلی میں دھاندلی سے متعلق151پٹیشنز دائر کی گئی جس میں اب تک 210پٹیشنز کے فیصلے الیکشن ٹریبونلز دے چکی ہے۔

الیکشن کمیشن آف پاکستان کے ترجمان کی جانب سے انتخابی عذرداریوں کی سماعت سے متعلق وضاحتی بیان میں کہاگیا ہے کہ مختلف سیاسی جماعتوں کی طرف سے الیکشن 2018ئ کے بارے میں مختلف آرائ کے اظہار کے بعد میڈیا کی جانب سے الیکشن کمیشن میں دائر کی گئیں انتخابی عذرداریوں اور ان پر فیصلہ جات کے متعلق وضاحتیں مانگی جا رہی ہیں اس ضمن میں الیکشن کمیشن نے یہ ضروری سمجھا کہ اس سلسلے میں وضاحت دی جائے ملک میں عام انتخابات کے بعد مختلف سیاسی جماعتوں اور امیدواروں کی طرف سے کل 299 انتخابی عذرداریاں دائر کی گئیں۔

(جاری ہے)

پیپلزپارٹی کے امیدواروں کی طرف سے قومی اسمبلی کے حلقہ جات میں 9 اور صوبائی اسمبلی کے حلقہ جات کے لئے 20 الیکشن پٹیشنز دائر کی گئیں اس طرح پاکستان مسلم لیگ )ن (کے امیدواروں نے قومی اسمبلی کے حلقہ جات کے لئے 15 اور صوبائی اسمبلی کے حلقہ جات کے لئے 28 پٹیشنز دائر کیں مزید پاکستان تحریک انصاف کے امیدواروں نے قومی اسمبلی کے لئے 23 اور صوبائی اسمبلیوں کے حلقہ جات کے لئی53 الیکشن پیٹشنز دائر کیں۔ اس کے علاوہ دیگر سیاسی جماعتوں اور آزاد امیداروں نے قومی اسمبلی اور صوبائی اسمبلیوں کے لئے 151الیکشن پیٹشنز دائر کیں اب تک قومی اسمبلی اور صوبائی اسمبلی کے 210 حلقہ جات کی پٹیشنز کے فیصلہ جات الیکشن ٹربیونلز نے کر دیئے ہیں۔۔۔۔۔اعجاز خان