جماعت اسلامی نے مہنگائی ، بے روزگاری کے خلاف تحریک کے شیڈول کا اعلان کردیا

پیر 19 اکتوبر 2020 23:51

لاہور (اُردو پوائنٹ اخبارتازہ ترین - آن لائن۔ 19 اکتوبر2020ء) جماعت اسلامی نے مہنگائی ، بے روزگاری کے خلاف تحریک اور انسداد سود مہم کے سلسلہ میں امیر جماعت اسلامی سینیٹر سراج الحق کے عوامی جلسوں کے پروگرام کا شیڈول جاری کردیاہے ۔

(جاری ہے)

سیکرٹری اطلاعات جماعت اسلامی قیصر شریف نے کہاہے کہ سینیٹر سراج الحق 23 اکتوبر کو منڈی بہائوالدین میں یوتھ کنونشن سے 25اکتوبر اتوار کو لاہور میں سیرت کانفرنس ، یکم نومبر کو باجوڑ میں ، 8نومبر اتوار کو بونیر میں ،15نومبر کو دیر بالا میں 22 نومبر اتوار کو سوات میں اور 29 نومبر اتوار کو دیر پائین میں عوامی اجتماعات اور جلسوں سے خطاب کریں گے ۔

ان جلسوں کے انعقاد اور انتظامات کے سلسلہ میں ضلعی جماعتوں اور مقامی ذمہ داران کو مرکز جماعت سے ہدایات جاری کردی گئی ہیں ۔