دوسرا سراج الدین میموریل اوپن روک بال ٹورنامنٹ 6 نومبر تک ملتوی

بدھ 21 اکتوبر 2020 14:57

اسلام آباد (اُردو پوائنٹ اخبارتازہ ترین - این این آئی۔ 21 اکتوبر2020ء) سندھ روک بال ایسوسی ایشن کے زیراہتمام 23 اکتوبر سے شروع ہونے والا دوسرا سراج الدین میموریل اوپن روک بال ٹورنامنٹ جشن عید میلادالنبی کے باعث ملتوی کردیا گیا اور یہ ٹورنامنٹ آئندہ ماہ 6 نومبر سے کراچی میں شروع ہو گا، سندھ روک بال ایسوسی ایشن کے صدر اعجاز الدین نے سرکاری خبر رساں ادارے کو بتایاکہ ٹورنامنٹ کی تیاریاں زور و شور پر ہیں اور ٹورنامنٹ میں سندھ بھر سے کھلاڑی حصہ لے رہے ہیں، انہوں نے کہا کہ ٹورنامنٹ میں شرکت کی خواہش رکھنے والی اپنی اپنی رجسٹریشن 4 نومبر سے قبل pakrocball@gmail.

(جاری ہے)

com کروا سکتے ہیں، ٹورنامنٹ میں شرکت کرنے والی ٹیموں کے منیجرز میٹنگ 5 نومبر کو ہوگی، جس میں ٹورنامنٹ کے قوانین کے حوالے سے آگاہی فراہم کرنے کے ساتھ ساتھ ٹورنامنٹ کے ڈراز کا اعلان بھی کیا جائیگا، ٹورنامنٹ کے فائنل مقابلے 8 نومبر کو کھیلے جائیں گے اور فائنل میچ کے اختتام پر کامیابی حاصل کرنے والے کھلاڑیوں میں انعامات تقسیم کئے جائیں گے، انہوں نے کہا کہ ٹورنامنٹ پاکستان روک بال فیڈریشن کے قوانین کے مطابق ناک آوٹ سسٹم پر کھیلا جائے گا اور ٹورنامنٹ کے دوران ٹورنامنٹ میں اچھی کارگردگی دکھانے والے کھلاڑیوں کو سندھ روک بال ٹیم میں شامل کیا جائے گا اور منتخب ٹیم آئندہ ماہ دسمبر میں پاکستان روک بال فیڈریشن کے زیراہتمام لاہور میں کھیلی جانے والی قومی روک بال چمپئن شپ میں شرکت کرے گی۔