گوادر پروجیکٹ پر کام تیز کیا جائے گا، پاکستان اور چین کا اتفاق

پیر 30 نومبر 2020 16:13

اسلام آباد (اُردو پوائنٹ اخبارتازہ ترین - این این آئی۔ 30 نومبر2020ء) پاکستان اور چین نے اتفاق کیا ہے کہ گوادر پروجیکٹ پر کام تیز کیا جائے گا۔ پیر کو پاکستان اور چین کا گوادر سے متعلق مشترکہ ورکنگ گروپ کا اجلاس ہوا جس میں اجلاس میں سیکریٹری منصوبہ بندی مطہر نیاز رانا اور چین کے ڈی جی این ڈی آر سی ینگ ژیانگ نے ویڈیو لنک کے ریعے شرکت کی ۔

(جاری ہے)

اعلامیہ کے مطابق گوادر پروجیکٹ پر کام تیز کیا جائے گا۔

اعلامیہ کے مطابق اس سال دسمبر میں 300 میگاواٹ پاور پلانٹ سے بجلی خریدنے کے معائدے پر دستخط ہوں گے ، اعلامیہ کے مطابق ایسٹ بے ایکسپریس وے اپریل 2021 تک مکمل ہوجائے گی، گوادر ائیرپورٹ پر کام کو جلد مکمل کیا جائیگا ، چین گوادر کے معاشی منصوبوں زراعت ، لائیو سٹاک اور ماہی گیری جیسے منصوبوں میں معاونت کرے گا۔