مصباح الحق کی قومی ٹیم کے بعد اب پی سی بی میں بھی پہلے جیسی عزت نہیں رہی :عاقب جاوید

مصباح کو بغیر کسی تجربے کے کوچ لگا کر ٹیم کے ساتھ مذاق کیا گیا ،گراس روٹ سطح پر کام کرکے کوچنگ سیکھیں :سابق کرکٹر کا مشورہ

ذیشان مہتاب جمعہ 15 جنوری 2021 13:08

مصباح الحق کی قومی ٹیم کے بعد اب پی سی بی میں بھی پہلے جیسی عزت نہیں ..

لاہور (اردو پوائنٹ تازہ ترین اخبار ۔ 15 جنوری 2021ء ) سابق ٹیسٹ کرکٹر عاقب جاوید کا کہنا ہے کہ مصباح الحق کی اب قومی ٹیم کے ساتھ ساتھ کرکٹ بورڈ میں بھی پہلے جیسی عزت نہیں رہی، ہیڈ کوچ اب دیوار کے ساتھ لگ چکے ہیں۔ 48 سالہ سابق ٹیسٹ کرکٹر عاقب جاوید نے ایک بار پھر مصباح الحق کو آڑتے ہاتھوں لیتے ہوئے کہا کہ مصباح الحق کو کوچنگ کے شعبے کو عزت دینی چاہیئے ، مصباح الحق کی اب قومی ٹیم کے ساتھ ساتھ کرکٹ بورڈ میں بھی پہلے جیسی عزت نہیں رہی، ہیڈ کوچ اب دیوار کے ساتھ لگ چکے ہیں۔

عاقب جاوید کا کہنا تھا کہ مصباح کو مشورہ دوں گا کہ وہ گراس روٹ کی سطح پر کام کرکے کوچنگ سیکھیں، کرکٹ کمیٹی کی جانب سے حتمی وارننگ کے بعد جنوبی افریقہ کے خلاف ہوم سیریز کے باوجود ٹیم مینجممنٹ کے لیے پرفارمنس بہتر کرنا مشکل ہوگا۔

(جاری ہے)

لاہور قلندرز کے ہیڈ کوچ کا کہنا تھا کہ جب آپ پراسیس کے تحت کام نہیں کرتے تو آپ کو یوٹرن لینا پڑجاتے ہیں، ورلڈ کپ کے بعد قومی ٹیم کے کوچز کے انتخاب میں کرکٹ بورڈ نے درست طریقہ کار اختیار نہیں کیا تھا، مصباح الحق کو بغیر کسی کوچنگ تجربے کے لگا کر قومی ٹیم کے ساتھ مذاق کیا گیا، اب کرکٹ بورڈ کو احساس ہوگیا ہے کہ ان سے ماضی میں غلط فیصلے ہوئے، میرا خیال ہے کہ کوچز کو یا تو تبدیل کردینا چاہیے تھا یا انہیں کہا جاتا کہ اپنی مدت مکمل کریں، ہوم سیریز میں جنوبی افریقہ کے خلاف بہتر پرفارمنس کی امید ہے، اگر یہاں یہ جیت جاتے ہیں تو پھر باہر جاکر پھر وہ ہی رزلٹ آئیں گے۔