پاکستان اور ترکی کے درمیان اہم دفاعی معاہدہ ہو چکا ہے، ہارون الرشید

پاکستان ترکی سے ٹینک خریدے گا، پاکستان اور ترکی کے درمیان انٹیلجنس شیئرنگ ہوگی، دونوں ملکوں کے درمیان اہم دفاعی معاہدہ ہوچکا ہے، سینیئر صحافی کا انکشاف

شہریار عباسی اتوار 17 جنوری 2021 14:33

پاکستان اور ترکی کے درمیان اہم دفاعی معاہدہ ہو چکا ہے، ہارون الرشید

اسلام آباد (اُردو پوائنٹ اخبارتازہ ترین ۔ 17 جنوری2021ء) سینیئر صحافی ہارون الرشید نے دعویٰ کیا ہے کہ پاکستان اور ترکی کے درمیان اہم فوجی دفاعی معاہدہ ہوچکا ہے۔ تفصیلات کے مطابق نجی ٹی وی چینل کے پروگرام میں گفتگو کرتے ہوئے سینئر صحافی ہارون الرشید نے کہا کہ دفاعی معاہدے کے تحت پاکستان ترکی سے ٹینک خریدے گا، جبکہ پاکستان اور ترکی کے درمیان انٹیلجنس شیئرنگ بھی ہوگی ۔

انہوں نے مزید کہا کہ رسول اللہ ص کی پیشن گوئی سچ ثابت ہو چکی ہے، ترک اور آذربائیجان اور پاکستان میں اہم معاہدے ہوئے ہیں۔ آذربائیجان بھی پاکستان سے اسلحہ خریدے گا۔ آذربائیجان کی صورت میں پاکستان کو ایک نیا دوست مل چکا ہے۔ آذری قوم بھی دراصل ترک نسل سے ہیں۔ اس لیے ان کا ترکی سے تعلق زیادہ ہے۔

(جاری ہے)

آذربائیجان میں پاکستانی پرچم لگے ہوئے ہیں۔

یہ ایک اچھا اور مثبت اشارہ ہے۔ پاکستان اور آذربائیجان کے اتحاد سے بھارت کو شدید پریشانی کا سامنا ہے۔ پاکستان اور ترکی کے درمیان معاہدے کے بعد یہ تینوں ممالک فوجی تربیت میں شریک ہوں گے۔ ہارون الرشید نے مزید کہا کہ پاکستان اور ترکی کے درمیان سیاحت کا بھی معاہدہ ہوگیا ہے۔ ترکی کے باشندے پاکستان میں سیاحت کے لیے آ رہے ہیں۔ ترک ڈراموں کی وجہ سے ترک اداکار بھی پاکستان آنا شروع ہوگئے ہیں۔

ان ڈراموں کی وجہ سے پاکستان کے عربوں کے ساتھ تعلقات خراب ہو چکے ہیں، لیکن پاکستان کا یہ مثبت فیصلہ تھا۔ ترکی کے عروج کے باعث عرب پریشانی کا شکار ہیں۔ جلد ہی ایران اور ترکی بھی قریب آ جائیں گے، چین کے ایران سے معاہدوں کے باعث ایران اس بلاک کا حصہ بن جائے گا۔ انہوں نے مزید کیا کہا ، ویڈیو دیکھیں: