مفتی عبدالقوی تاحال حریم شاہ کے نشانے پر

مفتی صاحب کی لڑکی کیساتھ ڈانس کی ویڈیو لیک کر دی، کچھ روز قبل ٹک ٹاک اسٹار نے دوست کیساتھ مل کر تھپڑ اور جوتے مارے تھے

محمد علی ہفتہ 30 جنوری 2021 23:21

لاہور (اُردو پوائنٹ اخبارتازہ ترین۔ 30 جنوری2021ء) مفتی عبدالقوی تاحال حریم شاہ کے نشانے پر، مفتی صاحب کی لڑکی کیساتھ ڈانس کی ویڈیو لیک کر دی، کچھ روز قبل ٹک ٹاک اسٹار نے دوست کیساتھ مل کر تھپڑ اور جوتے مارے تھے۔ تفصیلات کے مطابق ٹک ٹاک اسٹار حریم شاہ نے متنازعہ شخصیت مفتی عبدالقوی کو اپنے نشانے پر رکھ لیا ہے۔ کچھ روز قبل حریم شاہ نے اپنی دوست کیساتھ مل کر کراچی کے ایک نجی ہوٹل میں مفتی عبدالقوی پر تھپڑ اور جوتے برسا دیے تھے۔

جبکہ اب ٹک ٹاک اسٹار نے مفتی صاحب کی ویڈیو لیک کر دی ہے۔

View this post on Instagram

حریم شاہ کی جانب سے سوشل میڈیا کی مشہور ویب سائٹ انسٹا گرام پر لیک کی گئی ویڈیو میں مفتی عبدالقوی کو ایک لڑکی کی بانہوں میں بانہیں ڈالے ڈانس کرتے دکھایا گیا ہے، بیک گراونڈ میں چل رہی موسیقی اور روشنیوں سے یوں محسوس ہوتا ہے جیسے یہ ویڈیو کسی کلب میں ریکارڈ کی گئی۔

(جاری ہے)

ویڈیو سامنے آنے کے بعد مفتی عبد القوی ایک مرتبہ پھر سے شدید تنقید کی زد میں ہیں، تاہم یہ واضح نہیں کہ یہ ویڈیو کب بنائی گئی۔ یہاں واضح رہے کہ مختلف اسکینڈلز کی وجہ سے خبروں کی زینت بنے رہنے والے مفتی عبدالقوی کے اہل خانہ نے ان کی حرکتوں سے تنگ آ کر انہیں گھر میں بند کر دیا ہے۔ اہل خانہ نے مفتی صاحب سے ان کا موبائل فون تک چھین لیا، جبکہ لوگوں کو کہا ہے آئندہ انہیں مفتی کہہ کر نہ بلایا جائے۔

اہل خانہ کا کہنا ہے کہ مفتی عبدالقوی اپنی حرکتوں کی وجہ سے خاندان کیلئے بدنامی کا باعث بن رہے ہیں، اسی لیے انہیں اب گھر میں قرنطینہ کر دیا گیا ہے۔ مفتی عبد القوی ماضی میں بھی قندیل بلوچ اور دیگر شوبز شخصیات کیساتھ مختلف اسکینڈل میں ملوث رہے، اسی باعث اب ان کے اہل خانہ نے تنگ آ کر سخت قدم اٹھانے کا فیصلہ کیا۔