بہت جلد ''ن'' لیگ کی قیادت اور بیانیہ ''ش'' لیگ کے ہاتھوں میں آ جائے گا۔ فیاض الحسن چوہان

وزیر جیل خانہ جات پنجاب فیاض الحسن چوہان نے کہا ہے کہ بیگم صفدر اعوان کے بعد حمزہ شہباز کی رہائی پر ''خوب گزرے گی جو مل بیٹھیں گے دیوانے دو'' صادق آتا ہے

عمر جمشید پیر 1 مارچ 2021 17:31

بہت جلد ''ن'' لیگ کی قیادت اور بیانیہ ''ش'' لیگ کے ہاتھوں میں آ جائے گا۔ ..

لاہور (اُردو پوائنٹ اخبارتازہ ترین۔ یکم مارچ2021ء،نمائندہ خصوصی،طارق مجید کھوکھر) وزیر جیل خانہ جات پنجاب فیاض الحسن چوہان نے کہا ہے کہ بیگم صفدر اعوان کے بعد حمزہ شہباز کی رہائی پر ''خوب گزرے گی جو مل بیٹھیں گے دیوانے دو'' صادق آتا ہے۔ بہت جلد ''ن'' لیگ کی قیادت اور بیانیہ اب ''ش'' لیگ کے ہاتھوں میں آ جائے گا۔ فیاض الحسن چوہان نے کہا کہ ایک انڈر ٹرائل ملزم کی ضمانت پر رہائی پر جشن کی توقع صرف ن لیگ سے ہی کی جا سکتی تھی۔

(جاری ہے)

حمزہ شہباز کی اطلاع کے لیے عرض ہے کہ ان کی سزا ختم نہیں ہوئی، صرف ضمانت ہوئی ہے۔ فیاض الحسن نے مزید کہا کہ حمزہ شہباز کا حکومت مخالف خطاب دراصل میم لیگ کے خلاف اپنے جذبات کی عکاسی کر رہا تھا۔ فیاض الحسن چوہان نے لیگی قائدین سے درخواست کرتے ہوئے کہا کہ اپنے آپس کے اختلافات کا ملبہ وزیر اعظم عمران خان اور حکومت پر نہ ڈالیں۔ حمزہ شہباز سمیت کسی بھی کرپٹ فرد کو وزیر اعظم عمران خان سے این آر او کی امید نہیں رکھنی چاہیئے۔