ضلع فیصل آباد میں انسداد کورونا ویکسی نیشن کی دوسری ڈوز کا عمل جاری

پیر 12 اپریل 2021 20:41

فیصل آباد(اُردو پوائنٹ اخبارتازہ ترین - آن لائن۔ 12 اپریل2021ء) ضلع میں ویکسینیشن سنٹرز پر بزرگ افراد کو کورونا سے بچائو کی ویکسین لگانے کا عمل روزانہ کی بنیاد پر جاری ہے اور اب تک مجموعی طور پر 20 ہزار 149۔سینئر سیٹیزن کو ویکسین لگائی جاچکی ہے جن میں 17281 کو پہلی اور 2868 کو دوسری ڈوزشامل ہے۔

(جاری ہے)

ڈسٹرکٹ ہیلتھ آفیسر ڈاکٹر عطاء المنعم نے بتایا کہ سپورٹس کمپلیکس سمن آباد،تحصیل ہیڈ کوارٹرز ہسپتال سمندری نیو بلڈنگ،سپورٹس کمپلیکس چک جھمرہ،تحصیل ہیڈ کوارٹرز ہسپتال نیو بلڈنگ تاندلیانوالہ اور رورل ہیلتھ سنٹر نیو بلڈنگ کھرڑیانوالہ کے سنٹرز میں روزانہ کی بنیاد پر بزرگ افراد کی ویکسینیشن کا عمل جاری ہے جہاں کورونا ایس اوپیز پر بھی ذمہ دارانہ عملدرآمد کیا جارہا ہے۔

انہوں نے بتایا کہ سنٹرز کی مانیٹرنگ کا عمل بھی جاری ہے۔