بھارت میں کورونا کا شکار کیوی کرکٹر ٹم سیفرٹ اسپتال منتقل

ہفتہ 8 مئی 2021 23:32

نئی دہلی (اُردو پوائنٹ اخبارتازہ ترین - این این آئی۔ 08 مئی2021ء) نیوزی لینڈ کے وکٹ کیپر بلے باز ٹم سیفرٹ بھارت میں کورونا وائرس کا شکار ہو گئے۔نیوزی لینڈ کرکٹ کی جانب سے جاری بیان میں بتایا گیا کہ ٹم سیفرٹ آئی پی ایل میں شرکت کے لیے بھارت میں موجود تھے تاہم چارٹرڈ فلائٹ پر گھر روانگی سے قبل ٹم سیفرٹ کا کووڈ ٹیسٹ مثبت آگیا۔

(جاری ہے)

کیوی کرکٹر کو کورونا کی معمولی علامات ہیں اور انہیں علاج کے لیے چنئی کے ہسپتال منتقل کر دیا گیا ۔

دوسری جانب انگلینڈ کے خلاف سیریز کے لیے منتخب کیوی ٹیسٹ کرکٹرز نے بھی بھارت چھوڑ دیا ہے، ٹیسٹ سیریز کے لیے منتخب کھلاڑی نئی دہلی سے مالدیپ پہنچ گئے ہیں۔نیوزی لینڈ کرکٹ کے مطابق آئی پی ایل میں شامل نیوزی لینڈ کے ٹیسٹ پلیئرز کچھ روز مالدیپ میں قیام کریں گے، کھلاڑیوں کی انگلینڈ میں 11 مئی کی شیڈولڈ انٹری موخر ہو سکتی ہے۔