چوری شدہ ایک ہزار سال قدیم نوادرات کی امریکا سے تھائی لینڈ واپسی
فنی شاہکاروں کو بنکاک پہنچا دیا گیا ،منگل سے تین ماہ کے لیے نیشنل میوزیم میں نمائش کے لیے رکھے جائیں گے
اتوار 30 مئی 2021 12:30
(جاری ہے)
ان نادر نوادرات کو بنکاک کے عجائب گھر میں نمائش کے لیے سجانے سے پہلے ایک خصوصی تقریب کا انعقاد ہوگا۔تھائی لینڈ کے فائن آرٹس کے شعبے کے ڈائریکٹر جنرل پردیپ پینگٹاکو کا کہنا تھا کہ یہ دونوں سل یا تختہ نما داسا جن پر ہندو دیوتاں کی اشکال کی نقاشی موجود ہے دراصل کمبوڈیا کے قدیمی مندر کی ساخت کا حصہ ہیں۔
پردیپ پینگٹاکو نے خبر رساں ایجنسی کو ایک بیان دیتے ہوئے کہاکہ یہ دونوں فنی نمونے 1958 اور 1969 کے درمیان غائب ہوئے تھے۔ بلکہ 1965-66 میں تھائی نوادرات کی کافی چیزیں فنی نمونے گمشدہ ہوگئے تھے انہی میں یہ بھی شامل تھے۔ انہوں نے مزید بتایا کہ یہ دونوں تختے دراصل ان 133 نوادرات میں شامل ہیں جنہیں امریکا کی مختلف آرٹ گیلریز اور عجائب گھروں میں نمائش کے لیے رکھا گیا تھا۔لاس اینجلس میں امریکی حکام اور رائل تھائی قونصل خانے کے مابین ان نوادرات کی منتقلی کے لیے منعقدہ ایک تقریب کے موقع پر تھائی لینڈ کی وزارت خارجہ کے بیان میں کہا گیا کہ خیال کیا جاتا ہے کہ یہ دونوں مقدس تختیغیر قانونی طور پر 1960 کی دہائی میں ویتنام کی جنگ کے دوران تھائی لینڈ سے برآمد کیے گئے تھے۔تھائی لینڈ کے ان ثقافتی ورثوں کی امریکا سے وطن واپسی دراصل امریکی ہوم لینڈ سکیورٹی کی تین سالہ تحقیقات کے بعد ممکن ہوئی ہے۔ کیلیفورنیا کے میوزیم کا یہ اصرار تھا کہ اس نے ایک عرصے سے ان نوادرات کو واپس دے دینے کا منصوبہ بنا رکھا تھا مگر متنازعہ تفتیش کاروں کے الزامات یہ تھے کہ انہیں چرایا گیا تھا۔میوزیم کے ڈائریکٹر جے سو نے ایک بیان میں کہاکہ ہمیں بہت خوشی ہے کہ یہ فنی شاہکار واپس اپنے وطن جا رہے ہیں۔ واضح رہے کہ حالیہ چند برسوں کے دوران صرف امریکی عجائب گھر ہی نہیں بلکہ متعدد دیگر میوزمز بھی کسی نا کسی تاریخی فن پاروں کے غائب ہونے کے اسکینڈلز میں شامل رہے ہیں۔ 2014 میں آسٹریلیا نے لوٹے ہوئے کم از کم آٹھ ہندوستانی مجسمے بھارت کو واپس کیے تھے۔یورپی ملک فرانس نے بھی سینیگال اور بینین سے لی گئی اشیا کی واپسی کے عزم کا اظہار کیا ہے۔ ادھر ہالینڈ بھی اپنی سابقہ نو آبادیاتی ریاستوں سے چوری شدہ نوادرات واپس کر رہا ہے۔ اسی طرح جرمنی نے افریقی ملک نائجیریا سے وعدہ کیا ہے کہ وہ اسے اس کے نوادرات واپس کر دے گا۔مزید بین الاقوامی خبریں
-
سات وکٹیں ،انڈونیشیا کی روہمالیا نے ویمن ٹی ٹوئنٹی میں تاریخ رقم کردی
-
عازمین سوشل میڈیا کے ذریعے رابطہ کرنے والی جعلی حج کمپنیوں کے فراڈ کا نشانہ بننے سے بچیں، سعودی وزارت حج
-
ٹک ٹاک کا امریکی صدرکے دستخط کردہ قانون کو چیلنج کرنے کا اعلان
-
فرانس کی طرف سے اسرائیلی آباد کاروں پرپابندیوں کی دھمکی
-
ٹرمپ نے امریکی تعلیم گاہوں میں جنگ مخالف ریلیوں کو بد ترین نفرت کا نام دے دیا
-
غزہ کو امداد کی ترسیل، عارضی بندرگاہ کی تعمیر شروع کر دی گئی ، پینٹاگان
-
ٹک ٹاک کی مالک کمپنی کا ایپ فروخت کرنے سے انکار
-
سڈنی، چاقوحملے میں جاں بحق پاکستانی گارڈ کی نمازجنازہ
-
مسجد نبوی ﷺمیں ایک ہفتہ کے دوران 60 لاکھ زائرین کی آمد
-
گزشتہ سال دنیا کے 28 کروڑ افراد شدید غذائی قلت کا شکار رہے، اقوام متحدہ
-
ملائیشیا کے سابق وزیر اعظم کو انسداد بدعنوانی کی تحقیقات کا سامنا
-
پاکستان کیساتھ مضبوط رشتہ ہے، امریکا نے اختلافات کی خبروں کو مسترد کردیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.