بھارت:دولہا کا شادی کے روز گٹکا کھانے پر دولہن نے شادی سے انکار کردیا

سخت خفت اٹھانے کے بعد بارات واپس چلی گئی تحائف بھی واپس کردیئے گئے

جمعہ 11 جون 2021 00:09

نئی دہلی(اُردو پوائنٹ اخبارتازہ ترین - آن لائن۔ 10 جون2021ء) بھارت میں دولہا اور باراتیوں کو اس وقت سخت خفت کے ساتھ دلہن کے بنا واپس آنا پڑا جب شادی سے انکار کردیا گیا۔ دولہا اور باراتیوں کو دلہن والوں کی جانب سے دیے جانے والے تحائف بھی واپس کرنا پڑے ہیں۔

(جاری ہے)

بھارتی ذرائع ابلاغ کے مطابق ریاست اتر پردیش میں جب ایک بارات تمام تر تیاریوں کے ساتھ دلہن لینے کے لیے پہنچی تو حسب روایت شاندار استقبال کیا گیا لیکن شادی کی رسومات کے دوران اچانک دلہن کی نظر دولہا پہ پڑی تو وہ گٹکا کھا رہا تھا۔

ذرائع ابلاغ کے مطابق دلہن نے دولہا کو گٹکا کھاتا دیکھ کر عین وقت پہ شادی سے انکار کردیا۔ صورتحال کی سنگینی کا اندازہ کرکے خود دلہن والوں نے مداخلت کی اور بیٹی کو سمجھانے کی کوشش بھی کی لیکن وہ رائیگاں گئی۔بھارتی میڈیا رپورٹ کے مطابق جب دلہن کسی بھی طرح شادی کرنے پہ رضامند نہیں ہوئی تو نتیجتاً بارات کو بڑی خفت و شرمنگی کے ساتھ واپس ا?نا پڑا مگر اس سے قبل دلہن والوں کی جانب سے ملنے والے تمام تحائف بھی واپس کرنے پڑے۔