ایس ای سی پی نے میوچل فنڈز کی تشہیر کے اشتہارات کا معیار مقرر کر دیا

اسلام آباد(اُردو پوائنٹ اخبارتازہ ترین - این این آئی۔ 17 جون2021ء) سکیورٹیز اینڈ ایکسچینج کمیشن آف پاکستان (ایس ای سی پی) نے میوچل فنڈز کے سرمایہ کاروں کو درست معلومات اور سرمایہ کاروں کو بہتر فیصلے کرنے میں معاونت فراہم کرنے کے پیش نظر، ایسٹ مینجمنٹ کمپنیوں کی جانب سے ایکویٹی فنڈز کی کارکردگی کی تشہیر کے کئے شائع کئے جانے والے اشتہارات اور دی جانے والی معلومات کے معیار ات وضع کر دئے ہیں۔

میوچل فنڈز کے اشتہارات پر دی جانے والی معلومات کا معیار مقرر کرنے کا مقصد اشتہارات میں خاص طور پر ایکویٹی فنڈز کی کارکردگی اور متوقع منافع بارے معلو مات کی بڑھا چڑھا کر تشہیر کرنے کی روک تھا کرنا ہے۔ عموماً دیکھا گیا ہے کہ فنڈزسرمایہ کاری پر ہونے والے منافع کر بڑھا چڑھا کر بیان کرتے ہیں لیکن اس سرمایہ کاری سے منسلک رسک پروفائل کو حقیقی طور پر پیش نہیں کرتے۔

(جاری ہے)

اس قسم کی غیر مکمل معلومات سے سرمایہ کار فیصلہ کرنے میں غلطی کر سکتے ہیں۔ ایس ای سی پی کے 2021 کے سرکلر نمبر 16 میں ایکیوٹی فنڈزکی تشہیر کے لیے شرائط وضع کی گئی ہیں۔ ان شرائط کے مطابق فنڈز کے لئے لازمی ہے کہ فنڈ کی مالی کارکردگی بارے تجزیہ کی گزشتہ باری مہینوں کی کاکردگی کی بنیاد پر ترتیب دیا جائے۔ اس کے علاوہ سرمایہ کاری سے منسلک رسک کو بہتر انداز میں پیش کرنے کے لیے بھی ہدایات دی گئی ہیں۔