برطانوی مسلح افواج کے سربراہ کا کورونا ٹیسٹ مثبت آگیا

پیر 28 جون 2021 23:39

لندن (اُردو پوائنٹ اخبارتازہ ترین - این این آئی۔ 28 جون2021ء) برطانیہ کی مسلح افواج کے سربراہ جنرل سر نک کارٹر کا کورونا ٹیسٹ مثبت آگیا۔برطانوی میڈیا کے مطابق مسلح افواج کے سربراہ کے کورونا مثبت ہونے کی تصدیق گزشتہ روز وزارت دفاع نے کی۔

(جاری ہے)

وزارت دفاع نے بتایا کہ مسلح افواج کے سربراہ میں کورونا کی تشخیص معمول کی ٹیسٹنگ کے دوران ہوئی۔جنرل سر نک کارٹر کے کورونا مثبت آنے کے بعد برطانیہ کی بحریہ، فضائیہ اور اسٹریٹجک کمانڈ کے سربراہان اوروزیر دفاع کو احتیاطی قرنطینہ کے احکامات جاری کردیے گئے ہیں۔خیال رہے کہ برطانوی مسلح افواج کے سربراہ نے گزشتہ جمعرات کوسینیئر عسکری قیادت کے اجلاس میں شرکت کی تھی۔