ارجنٹائن کے علاقے پٹاگونیا میں پانی کی صاف ستھری جھیل کا رنگ گلابی ہوگیا

جھیل میں مچھلی کی فیکٹریوں میں استعمال ہونیوالا کیمیکل شامل ہونے سے پانی آلودہ ہوا، ماہرین

پیر 26 جولائی 2021 23:12

ارجنٹائن کے علاقے پٹاگونیا میں پانی کی صاف ستھری جھیل کا رنگ گلابی ..

بیونس آئرس (اُردو پوائنٹ اخبارتازہ ترین - این این آئی۔ 26 جولائی2021ء) ارجنٹائن کے جنوبی علاقے پٹاگونیا میں پانی کی صاف ستھری جھیل کا رنگ گلابی ہوگیا۔ ماحولیات پر کام کرنے والے ماہرین اور کارکنوں نے الزام لگایا ہے جھیل میں مچھلی کی فیکٹریوں میں استعمال ہونے والے کیمیکل شامل ہونے سے یہ آلودہ ہوگیا ہے۔

(جاری ہے)

برطانوی مقامی لوگوں کا کہنا ہے کہ مچھلی کی برآمد سے پہلے اس کو محفوظ بنانے کے لیے مقامی فیکٹریاں سوڈیم سلفیٹ کو اینٹی بیکٹیریل پروڈکٹ کے طور پر استعمال کرتی ہیں اور یہ فضلہ (کیمیکل) صاف کیے بغیر جھیل میں چھوڑدیا جاتا ہے۔

دریا اور جھیل کے اطراف آباد رہائشیوں کا کہنا ہے جھیل میں کیمیکلز شامل ہونے سے علاقے میں بدبو پھیلی ہوئی ہے اور انہیں ماحولیات کے دیگر مسائل کا سامنا ہے۔مقامی ماحولیاتی کارکن پابلو لاڈا نے حکومت پر آلودگی کا الزام عائد کرتے ہوئے کہا کہ جن لوگوں کو کنٹرول میں رکھنا چاہئے انہی کو لوگوں کو زہر دینے کا اختیار دے دیا گیا ہے۔ماحولیاتی انجینئر فیڈریکو ریسٹریپو نے کہا کہ جھیل کا گلابی رنگ مچھلی کے فضلے میں سوڈیم سلفیٹ کی وجہ سے تھا۔ فضلے کو دریا میں پھینکنے سے قبل اس کو پراسیس نہیں کیا جاتا ہے۔