مریم نواز نے انگلش ٹیم کے انکار سے متعلق ٹویٹ کیوں نہیں کی؟ شہباز گل نے سوال اٹھا دیا

جب ملک بھر کی دولت لندن میں رکھی ہوئی ہو تو آپ یہ جرات نہیں کرسکتے کہ پاکستان کے وقار کے ساتھ جڑا بیان دے سکیں: معاون خصوصی برائے وزیراعظم

ذیشان مہتاب بدھ 22 ستمبر 2021 12:12

مریم نواز نے انگلش ٹیم کے انکار سے متعلق ٹویٹ کیوں نہیں کی؟ شہباز گل ..

لاہور (اردو پوائنٹ تازہ ترین اخبار ۔ 22 ستمبر 2021ء ) وزیراعظم عمران خان کے معاون خصوصی شہباز گل نے کہا ہے کہ انگلش ٹیم کے نہ آنے پر سابق وزیراعظم نواز شریف کی صاحبزادی مریم نواز کا کوئی ٹویٹ سامنے نہیں آیا ہے ۔ میڈیا سے گفتگو میں شہباز گل نے کہا کہ نیوزی لینڈ کے دورہ ملتوی کرنے پر ٹوئٹ کرنے والی مریم نواز نے انگلش ٹیم کے نہ آنے پر کوئی ٹویٹ نہیں کی۔

(جاری ہے)

انہوں نے کہا کہ جب ملک بھر کی دولت لندن میں رکھی ہوئی ہو تو آپ یہ جرات نہیں کرسکتے کہ پاکستان کے وقار کے ساتھ جڑا بیان دے سکیں۔ وزیراعظم کے معاون خصوصی نے استفسار کیا کہ انگلش ٹیم کے دورہ پاکستان سے انکار سے متعلق ٹویٹ نہ کرنے پر کیا کوئی مریم صفدر سے پوچھے گا؟ اُن کا کہنا تھا کہ نواز شریف کو کہنا چاہیے تھا کہ پاکستان کھیلنے کے لیے محفوظ ملک ہے۔