سندھ میں کورونا کے مثبت کیسز کی شرح 5 اعشاریہ 31 فیصد ریکارڈ

جمعہ 24 ستمبر 2021 14:52

کراچی(اُردو پوائنٹ اخبارتازہ ترین - این این آئی۔ 24 ستمبر2021ء) سندھ میں گزشتہ 24 گھنٹوں میں مجموعی طور پر کورونا وائرس کے مثبت آنے کی شرح 5 اعشاریہ 31 فیصد ریکارڈ کی گئی ہے۔

(جاری ہے)

محکمہ صحت سندھ کے مطابق کراچی میں گزشتہ 24 گھنٹوں کے دوران 6 ہزار 209 کورونا ٹیسٹ کیئے گئے جن میں سے 424 مثبت آئے، اس طرح مثبت کیسز کی شرح 6 اعشاریہ 83 فیصد ریکارڈ کی گئی۔حیدرآباد میں876 کورونا ٹیسٹ کیئے گئے جن میں سے 63 مثبت آئے اور شرح 7 اعشاریہ 19 فیصد ریکارڈ کی گئی۔اس کے علاوہ صوبے کے مختلف اضلاع میں 7 ہزار 666 کورونا وائرس کے ٹیسٹ کیئے گئے، جس سے 297 افراد میں کوروناکی تصدیق ہوئی اس طرح شرح 3 اعشاریہ 87 فیصد رہی۔