قبیلے کے افراد تعلیم پر خصوصی توجہ دیں بچوں اور خصوصا بچیوں کو دینی اور نصابی تعلیم دلانے میں کردار ادا کریں ،سردار محمد یوسف سیاں

حب (اُردو پوائنٹ اخبارتازہ ترین - این این آئی۔ 28 ستمبر2021ء) سیاں قبائل کے سربراہ سردار محمد یوسف سیاں ایک روزہ دورے پر حب پہنچے حب کے سیاں قبیلے کی معتبر شخصیت سائیں محمد حسن سیاں نے اپنی رہائش گاہ پر سردار سیاں کے اعزاز میں عشائیہ دیا اس موقع پر گفتگو کرتے ہوئے سردار محمد یوسف سیاں نے کہا کہ قبیلے کے افراد تعلیم پر خصوصی توجہ دیں بچوں اور خصوصا بچیوں کو دینی اور نصابی تعلیم دلانے میں کردار ادا کریں قبیلے کے نوجوان قبیلے کے افراد کو متحد رکھنے میں کردار ادا کرنے سمیت دیگر قبائل کے ساتھ برادرانہ تعلقات قائم کرنے میں اہم کردار ادا کرسکتے ہیں انہوں نے کہا کہ انہوں نے دستار بندی کے بعد ضلع لسبیلہ سمیت بلوچستان کے دیگر علاقوں اور کراچی سندھ میں رہائش پذیر سیاں قبیلے کے تنازعات کے خاتمے کے لیے ہر ممکن کوشش کی ہے اور انشااللہ اپنے آباواجداد کے نقش قدم پر چلتے ہوئے قبیلے کے اتحاد کے لیے اپنی تمام تر توانائیاں صرف کرونگا انہوں نے مزید کہا کہ وزیراعلی بلوچستان جام آف لسبیلہ جام کمال خان کی قیادت میں بلوچستان کے تمام علاقوں میں یکساں ترقیاتی منصوبوں پر کام جاری ہے انہوں نے کہا کہ حب میں مغربی بائی پاس ۔

(جاری ہے)

مشرقی بائی پاس روڈز کی تکمیل کے بعد ایسٹرن بائی پاس پر کام جاری ہے جس سے حب شہر میں ٹریفک کے مسائل میں کافی کمی آئی ہے جبکہ تعلیم اور صحت کے شعبوں میں انقلابی اقدامات کیے جارہے ہیں انہوں نے کہا کہ لاسی محلہ جام یوسف کالونی کو ترقیاتی منصوبوں میں شامل نہ کرنے پر تشویش ضرور ہوئی انشاء اللہ اس سلسلے میں وزیراعلی بلوچستان جام آف لسبیلہ جام کمال خان اور ان کی ٹیم کو لاسی محلہ جام یوسف کالونی کے مسائل سے آگاہ کرونگا انہوں نے مزید کہا کہ وہ بہت جلد کوئٹہ جاکر وزیراعلی بلوچستان کو سیاں قبیلے کے جائز مسائل کے متعلق تفصیلی بریفنگ دیں گے آخر میں انہوں نے برادری کے بزرگ شخصیات کو مخاطب کرتے کہا کہ جہاں کہیں تنازعہ پیدا ہو تو وہ فوری طور پر تنازعات کے خاتمے میں اپنا کردار ادا کریں علاوہ ازیں قادر سیاں ،امام بخش سیاں ،رسول بخش سیاں ،حبیب اللہ سیاں ،جہانزیب سیاں ،شاہ زیب سیاں و دیگر نے بھی سردار یوسف سیاں سے ملاقات کی