سی ای اوایکسپو سنٹر مریم فہد کی ایم ڈی واسا لاہور سے ملاقات،سیوریج سسٹم و پانی کے مسائل پر بات چیت

جمعرات 14 اکتوبر 2021 15:03

لاہور(اُردو پوائنٹ اخبارتازہ ترین - اے پی پی۔ 14 اکتوبر2021ء) چیف ایگزیکٹو آفیسر ایکسپو سنٹر مریم فہد نے مینیجنگ ڈائریکٹرواسا لاہور سید زاہد عزیز سے واسا ہیڈ آفس میں ملاقات کی، جس میں ایکسپو سنٹر کے سیوریج سسٹم اور پانی کے مسائل پربات چیت کی گئی۔

(جاری ہے)

ایم ڈی واسا نے کہاکہ ایکسپو سنٹر نے کوروناوائرس اور ڈینگی سے بچائو کے بہترین اقدامات کیے ہیں، عوامی مشکلات کے حل کے لیے واسا لاہور ایکسپو سنٹر کے عملے سے بھرپور تعاون جاری رکھے گا۔

سی ای او ایکسپو سنٹر نے کہاکہ ایکسپو سنٹر میں پانی اور سیوریج کی سہولیات کے حوالے سے واسا کی کارکردگی قابل تحسین رہی ہے۔اس موقع پر ایم ڈی واسا نے سیوریج اور پانی کے مسائل کو بروقت حل کرنے کی یقین دہانی کرائی ہے۔واسا کی طرف سے ڈائریکٹر ہائیڈرالوجی شیراز بلوچ، ڈائریکٹر محمد دانش، ڈائریکٹر ریونیو اطہر محمودنے میٹنگ میں شرکت کی۔