ٹی ٹونٹی ورلڈ کپ مقابلے ،شعیب ملک نے 546 رنز بنا رکھے ہیں،کامران اکمل نے 50 چوکے ، آفریدی نے 21 چھکے لگا رکھے ہیں

شاہد آفریدی ہی سب سے زیادہ 5 بار صفر پر آئوٹ ہوئے ،سب سے بڑی 111 رنز کی انفرادی اننگز کھیلنے کا اعزاز احمد شہزاد کو حاصل

ہفتہ 23 اکتوبر 2021 12:00

ٹی ٹونٹی ورلڈ کپ مقابلے ،شعیب ملک نے 546 رنز بنا رکھے ہیں،کامران اکمل ..

لاہور(اُردو پوائنٹ اخبارتازہ ترین - این این آئی۔ 23 اکتوبر2021ء) ٹی ٹونٹی ورلڈ کپ مقابلوں میں شعیب ملک سب سے کامیاب بیٹسمین ہیںجنہوںنے 27 اننگز میں 546 رنز بنا رکھے ہیں،کامران اکمل نے سب سے زیادہ 50 چوکے اور شاہد آفریدی نے سب سے زیادہ 21 چھکے لگا رکھے ہیں۔رپورٹ کے مطابق شاہد آفریدی ہی سب سے زیادہ 5 بار صفر پر آئوٹ ہوئے ہیں۔شعیب ملک بیٹسمین کے ساتھ بہترین فیلڈر بھی رہے جنہوںنے سب سے زیادہ 12 کیچز پکڑے۔

(جاری ہے)

پاکستان کی طرف سے ٹی ٹونٹی ورلڈ کپ کی پہلی اور واحد سنچری احمد شہزاد نے بنا رکھی ہے جبکہ سب سے بڑی 111 رنز کی انفرادی اننگز بھی ان کے نام ہے۔ایک میچ میں سب سے زیادہ 5 چھکے عمران نذیر نے لگائے،عمر گل نے ایک اننگز میں سب سے زیادہ 5 وکٹیں حاصل کیں۔سب سے زیادہ 39 وکٹیں شاہد آفریدی نے حاصل کررکھی ہیں۔ایک ورلڈ ٹی ٹونٹی میں سب سے زیادہ 223 رنز بنانے کا اعزازسلمان بٹ کو حاصل ہے۔پاکستان کا کسی ایک میچ میں کم ترین مجموعہ 82 رن ویسٹ انڈیز کے خلاف ہے جبکہ سب سے زیادہ 201 رنز بنگلہ دیش کے خلاف بنائے۔