پاک بھارت میچ ،سوشل میڈیا کا محاذ گرم رہا ، دونوں ممالک کے عوامیں لفظی جنگ

ٹوئٹر پر ہیش ٹیگ ‘گرین شرٹس ول ون اور پاک ورسز انڈیا ٹاپ ٹرینڈ بن گیا

اتوار 24 اکتوبر 2021 15:50

پاک بھارت میچ ،سوشل میڈیا کا محاذ گرم رہا ، دونوں ممالک کے عوامیں لفظی ..

اسلام آباد (اُردو پوائنٹ اخبارتازہ ترین - این این آئی۔ 24 اکتوبر2021ء) پاک بھارت ٹاکرے سے پہلے سوشل میڈیا پر میچ سے قبل دونوں ممالک کی عوام میں لفظی جنگ چھڑ گئی ہے۔ سوشل میڈیا پر اس بڑے معرکے سے پہلے دونوں ممالک کے حمایتیوں نے بڑھ چڑھ کر اپنے جذبات کا اظہار کیا ۔ٹوئٹر پر ہیش ٹیگ ‘گرین شرٹس ول ون اور پاک ورسز انڈیا ٹاپ ٹرینڈ بن گیا، پاکستانی ٹیم کے پرستار حامد نے کہا کہ بھارت کے لیے ایک اور ‘‘سرپراز’’ کا دن ہے۔

ایک اور صارف نے بھارت کو للکارتے ہوئے لکھا کہ ‘‘تیار ہو ’’ ایک بھارتی صارف نے پنجرے میں قید ٹی وی کی تصویر لگاتے ہوئے کہا پاک بھارت میچ کی تیاریاں دونوں ملکوں میں جاری ہے۔محمد اسلم نے پاکستانی ٹیم کو گیم چینجر قرار دے دیا، تو ماہ نور نامی صارف نے لکھا کہ پاک بھارت میچ نے شائیقین کی راتوں کی نیندیں اڑا رکھی ہیں۔

(جاری ہے)

ٹوئٹر صارف ڈاکٹر حمزہ نے بھارتیوں کو دعوت دیتے ہوئے کہا کہ ایک کپ چائے ہوجائے ، صارف قدیر نامی صارف نے بھارتی پائلٹ ابھینندن کی تصویر لگاتے ہوئے لکھا کہ بھارت کے 24 اکتوبر میچ سے پہلے اور بعد کے حالات ایسے ہوں گے۔

اقصی احمد نے مزاحیہ انداز اپناتے ہوئے انوشکا شرما کی پریشان حالت میں ویرات کوہلی کے پاس بیٹھنے کی تصویر لگاتے ہوئے لکھا کہ سب کو اس وقت کا انتظار ہے۔