Live Updates

امریکا، ٹیکساس میں 4 بچوں کو چھوڑنے،ایک کو قتل کرنے کے الزام میں ماں ساتھی سمیت گرفتار

بدھ 27 اکتوبر 2021 13:29

امریکا،  ٹیکساس میں   4 بچوں کو چھوڑنے،ایک کو قتل کرنے  کے الزام میں ماں ..
واشنگٹن(اُردو پوائنٹ اخبارتازہ ترین - اے پی پی۔ 27 اکتوبر2021ء) امریکی  ریاست ٹیکساس میں  ماں اور اس کے ساتھی کو 4 بچوں کو چھوڑنے اور ایک کو قتل کرنے  کے الزام میں  گرفتار کر لیا گیا ہے ۔  فرانسیسی خبر رساں  ادارے کے مطابق    لوکل شیرف نے بتایاکہ31 سالہ برائن کولٹر پر 2020 میں چار بیٹوں میں سے ایک کو قتل کرنے کا الزام عائد کیا  گیا تھا اس وقت اس کی عمر 8 سال تھی  جبکہ                    بچوں کی والدہ35 سالہ گلوریا ولیمز  پر شواہد کے ساتھ چھیڑ چھار کرنےکا الزام عائد ہے ۔

  پولیس نے بتایا کہ  بچے ہیوسٹن کے ایک اپارٹمنٹ میں اپنے مرے ہوئے بھائی کی  نعش کے ساتھ رہ رہے تھے اور وہ کھانا اپنے پڑوسیوں سے لیتے تھے ۔ انہوں نے بتایا کہ بچوں میں سے سب سے بڑے بھائی جس کی عمر 15 سال ہے نے بتایا کہ ان کا ایک بھائی ایک سال قبل مر گیا ہے جس کی نعش اس کے ساتھ والے کمرے میں موجود ہے ۔

(جاری ہے)

                  ہیرس کاؤنٹی کے شیرف ایڈ گونزالیز نے ٹویٹر پر کہا کہ ٹیکسن پولیس کا خیال ہے کہ والدین کئی ماہ سے اپارٹمنٹ میں نہیں  رہ رہے ۔

  انہوں نے پریس کانفرنس میں بتایا کہ صورتحال ان بچوں کے لیےانتہائی خوفناک اورانتہائی المناک تھی جو افسوسناک حالات میں زندگی گزار رہے تھے۔ انہوں نے کہا کہ 15 سالہ بڑا بھائی اپنے دو چھوٹے بھائیوں جن کی عمریں 7 اور 10 سال ہیں کی دیکھ بھال کرتا ہے ۔تینوں بچوں کو ٹیکساس ڈیپارٹمنٹ آف فیملی اینڈ پروٹیکٹیو سروسز کی تحویل  میں  دے دیا گیا ۔
Live سانحہ سیالکوٹ سے متعلق تازہ ترین معلومات

متعلقہ عنوان :