پاکستانی علاقائی بر آمدات میں35فیصد کا نمایاں اضافہ دیکھا گیا،عبدالرزاق داؤد

وزارت تجارت خطے کے ہمسایہ ممالک کو برآمدات بڑھانے کیلئے کوشاں ہے،مشیر تجارت

بدھ 27 اکتوبر 2021 23:30

پاکستانی علاقائی بر آمدات میں35فیصد کا نمایاں اضافہ دیکھا گیا،عبدالرزاق ..

کراچی (اُردو پوائنٹ اخبارتازہ ترین - آن لائن۔ 27 اکتوبر2021ء) رواں ماہ کی پہلی سہہ ماہی کے دوران پاکستانی علاقائی بر آمدات میں35فیصد کا نمایاں اضافہ دیکھا گیا ہے ۔

(جاری ہے)

وزیر اعظم کے مشیر تجارت عبدالرزاق داؤد کی جانب سے سوشل میڈیا پر دیئے گئے بیان کے مطابق وزارت تجارت خطے کے ہمسایہ ممالک کو برآمدات بڑھانے کیلئے کوشاں ہے اوررواں مالی سال کی پہلی سہ ماہی میں چین، افغانستان کو پاکستانی برآمدات میں اضافہ ہوا، جبکہ ایران، ترکی اور وسطی ایشیائی ریاستوں کو بھی پاکستانی برآمدات میں اضافہ ہواہے۔

مشیر تجارت کے مطابق مجموعی طور پر ان ممالک کو پاکستانی برآمدات میں 35 فیصد کا اضافہ ہوا، گزشتہ مالی سال ان ممالک کو پاکستانی برآمدات 694 ملین ڈالرز کی تھیںجبکہ رواں مالی سال کی پہلی سہ ماہی میں 938 ملین ڈالر کی برآمدات رہیں، مشیر تجارت نے کہا کہ ہم اپنے برآمد کنندگان کی حوصلہ افزائی کرتے ہیں ،ہمارے برآمد کنندگان اپنی مصنوعات کو خطے کی مارکیٹ تک پھیلائیں اور برآمدات میں اضافہ کریں