جاموٹ یوتھ بلوچستان کے زیر اہتمام کوئٹہ پریس کلب کے سامنے احتجاجی مظاہرہ

جمعرات 18 نومبر 2021 23:39

کوئٹہ (اُردو پوائنٹ اخبارتازہ ترین - آن لائن۔ 18 نومبر2021ء) جاموٹ یوتھ بلوچستان کے زیر اہتمام کوئٹہ پریس کلب کے سامنے احتجاجی مظاہرہ کیا گیا احتجاجی مظاہرے کی قیادت میڈیم حمیدہ جاموٹ، غلام سرور کررہے تھے مظاہرین نے پلے کارڈ ز اور بینرز اٹھارکھے تھے جس پر گزشتہ دنوں کچھی میں دوبھائیوں سمیت تین افراد کے قتل نعرے درج تھے مظاہرین نے مطالبہ کیا کہ ایف آئی آر میں درج ملزم میر عاصم کرد گیلو سمیت جتوئی قبیلے کے قاتلوں کو فوری طور پر گرفتار کیا جائے مقررین نے مظاہرے سے خطاب کرتے ہوئے کہا کہ میرعاصم کرد گیلو نے یہاں زمینیں خریدی ہیں جس پر برسوں سے آباد بزگروں کو بے دخل کرنے کیلئے اس قسم کے اقدامات اٹھائے جارہے ہیں گزشتہ دنوں میر عاصم کرد گیلو کے کارندوں نے فائرنگ کرکے دو بھائیوں اور اس کے چچازاد بھائی کو قتل کردیا گیا جس کا ایف آئی آر درج ہوا لیکن بااثر ملزمان تاحال گرفتار نہیں کیے جارہے ہیں ہم حکومت سے مطالبہ کرتے ہیں کہ بااثر ملزمان کو فوری طور پر گرفتار کیا جائے اور غریب بزگروں کے خلاف انتقامی کاررائیوں کو روکا جائے