ایچ آئی وی ایڈز کے عالمی دن کی مناسبت سے آگہی سیمینارکا انعقاد

جمعرات 2 دسمبر 2021 17:16

کراچی (اُردو پوائنٹ اخبارتازہ ترین - این این آئی۔ 02 دسمبر2021ء) ایچ آئی وی ایڈز کے عالمی دن کی مناسبت سے یکم دسمبر کو ڈسٹرکٹ ہیلتھ آفس نواب شاہ میں ایک آگہی سیمینار منعقد کیا گیا۔

(جاری ہے)

سیمینار سے ڈسٹرکٹ ہیلتھ آفیسر ڈاکٹر دولت جمالی، فوکل پرسن ایچ آئی وی ایڈز ڈاکٹر ریاض شاہ، ریجنل ڈائریکٹر پی پی ایچ آئی مظہر ویسر، ایڈیشنل ڈائریکٹر شہید بینظیر آباد ڈویژن ڈاکٹر غلام سرور خاصخیلی، ڈسٹرکٹ پاپولیشن ویلفیئر آفیسر ریاض شر، ڈاکٹر غلام قادر راجپوت، ڈاکٹر امینہ بروہی اور دیگر نے خطاب کرتے ہوئے کہا کہ سال 2020ء تک دنیا بھر میں 37 ملین ایچ آئی وی ایڈز کے کیسز رکارڈ تھے جس میں ڈیڑھ ملین کیسز کا مزید اضافہ ہو چکا ہے اور 6 لاکھ 70 ہزار افراد موت کا شکار ہوئے ہیں، سال 2019ء کے دوران لاڑکانہ کے اندر ایڈز کا کافی حد تک پھیلاؤ رکارڈ کیا گیا، اس خطرناک بیماری سے بچاؤ کے لیے ضروری ہے کہ تجویز کردہ احتیاطی تدابیر پر عمل درآمد کے لیے آگہی مہم کو گھر گھر پہنچایا جائے۔

سیمینار میں ڈاکٹرس، ایل ایچ ایس، پیرامیڈیکل اسٹاف اور سول سوسائٹی کی جانب سے بڑی تعداد میں شرکت کی گئی، بعد ازاں ایڈز سے بچاؤ کے متعلق ایک آگہی ریلی بھی نکالی گئی۔