Live Updates

ایشیز سیریز ،آسٹریلیا کا پہلے دو ٹیسٹ میچز کیلئے 15رکنی اسکواڈ کا اعلان

جمعرات 2 دسمبر 2021 22:06

لاہور (اُردو پوائنٹ اخبارتازہ ترین - آن لائن۔ 02 دسمبر2021ء) آسٹریلیا نے ایشیز سیریز کے پہلے 2 ٹیسٹ میچز کیلئے انگلینڈ کے خلاف اپنی 15 رکنی ٹیم کا اعلان کردیا ہے۔کرکٹ آسٹریلیا کے مطابق ٹم پین کی دستبرداری کے بعد وکٹ کیپر ایلیکس کیرے کو اسکواڈ میں شامل کر لیا گیا ہے وہ سیریز میں ڈیبیو کریں گے۔آسٹریلیا کی جانب سے فاسٹ بولر پیٹ کمنز پہلی بار ٹیم کی قیادت کریں گے، دونوں ٹیموں کے مابین پہلا ٹیسٹ میچ 8 دسمبر سے برسبین میں شروع ہوگا۔

(جاری ہے)

واضح رہے کہ سابق آسٹریلوی کپتان ٹم پین نے غیر اخلاقی ٹیکسٹ کا اسکینڈل منظر عام پر آنے کے بعد پہلے تو ٹیسٹ کپتانی چھوڑی اس کے بعد انہوں نے کرکٹ سے بریک بھی لے لیا۔دوسری جانب کپتان نامزد ہوجانے کے بعد پیٹ کمنز کا اپنے ایک بیان میں کہنا تھا کہ قومی ٹیم کا کپتان بننا اعزاز کی بات ہے، میں اپنا بہترین دینے کی کوشش کروں گا، انہوں نے مزید کہا کہ یہ میری خوش قسمتی ہے کہ میرے ساتھ اسٹیو اسمتھ ٹیسٹ ٹیم کے نائب کپتان ہیں۔