فلم انڈسٹری کی ترقی کیلئے اردوکیساتھ پنجابی فلموںکو فروغ دینا ہوگا‘ حید رسلطان

سینئرز سرجوڑ کر بیٹھیں،خامیابیاں او رکوتاہیاں بتاکرسمت دیں‘ اداکار کی انٹرویو میں گفتگو

جمعہ 3 دسمبر 2021 12:05

فلم انڈسٹری کی ترقی کیلئے اردوکیساتھ پنجابی فلموںکو فروغ دینا ہوگا‘ ..

لاہور(اُردو پوائنٹ اخبارتازہ ترین - این این آئی۔ 03 دسمبر2021ء) ناموراداکار حیدر سلطان نے کہا ہے کہ ماضی میں پنجابی کی فلموں سے پنجاب کے کلچر کو فروغ ملا ہے اور اس میں میرے والد مرحوم محترم سلطان راہی کا بھی حصہ ہے ، جس طرح ماضی میں سینما انڈسٹری کو اپنے پائوں پر کھڑا رکھنے کیلئے جستجو کی جاتی تھی آج وہ نظر نہیں آتی ۔

(جاری ہے)

ایک انٹر ویو میں حیدر سلطان نے کہا کہ سینکڑوں لوگ ہیں جنہوں نے فلم انڈسٹری کے عروج میں بے پناہ دولت اور شہرت کمائی ہے اس لئے میں سمجھتا ہوں کہ انہیں فلم انڈسٹری کی زبوں حالی پر بے چین ہونا چاہیے ۔

میری درخواست ہے کہ یہ سینئرز سرجوڑ کر بیٹھیں اورموجودہ فلم انڈسٹری کے لوگوں کو ان کی خامیابیاں او رکوتاہیاں بتائیںاورانہیں سمت دیں۔ انہوںنے کہا کہ میرا یہ دعویٰ ہے کہ جب تک اردوکے ساتھ پنجابی فلموںکو فروغ نہیںدیا جائے گا ہماری فلم انڈسٹری دوبارہ ترقی نہیں کر سکتی اس لئے اس پر سنجیدگی سے سوچنے کی ضرورت ہے۔