جوڑے پر تشدد کا کیس، متاثرہ لڑکی کے عدالت میں حیران کن بیانات
ملزمان میں سے کسی کو نہیں جانتی،کسی سے کوئی پیسہ نہیں لیا،ویڈیو وائرل ہونے کے بعد میرا اور متاثرہ لڑکے کا نکاح ہوا، کمرے میں نظر آنے والی لڑکی کو میں نہیں جانتی،دنیا میں 7 چہروں کے لوگ ایک طرح کے ہوتے ہیں۔متاثرہ لڑکی کا بیان
مقدس فاروق اعوان بدھ 19 جنوری 2022 16:54
(جاری ہے)
وکیل نے متاثرہ لڑکی پر جرح کرتے ہوئے کہا کہ آپ نے عدالت میں بیان دینے کے لیے عمر بلال سے ایک لاکھ روپے لیے؟۔
متاثرہ لڑکی نے کہا نہیں میں نے کسی سے کوئی پیسہ نہیں لیا۔پہلے بھی بتا چکی ہوں کہ پولیس نے مجھ سے سفید کاغذ پر دستخط کرائے تھے اور انگوٹھا لگوایا، میرا نکاح متاثرہ لڑکے سے ہوا جس کی مجھے تاریخ یاد نہیں۔ویڈیو وائرل ہونے کے بعد میرا اور متاثرہ لڑکے کا نکاح ہوا تھا۔نہیں معلوم ایف آئی اے کے ماہرین نے وائرل ویڈیو کو اصل قرار دیا تھا، میری کبھی آئی جی اسلام آباد اور کسی بھی پولیس افسر سے ملاقات نہیں ہوئی۔وکیل نے جرح کرتے ہوئے سوال کیا کہ ایف آئی اے کا عملہ کہتا ہے کہ ویڈیو میں آواز اور موجودگی آپ کی ہے جس پر متاثرہ لڑکی نے کہا دنیا میں 7 چہروں کے لوگ ایک طرح کے ہوتے ہیں،کمرے میں نظر آنے والی لڑکی کو میں نہیں جانتی نہ ہی وائرل ویڈیو دیکھی ہے۔دوران سماعت مثاثرہ لڑکے اسد کے بیان پر پراسکیوٹر رانا حسن عباس نے جرح کی۔ جرح کے دوران منحرف گواہ اور متاثرہ لڑکے اسد نے عدالت کو بتایا کہ میری تعلیم انٹر ہے ، اس وقت کوئی کام بھی نہیں کرتا تاہم جب یہ واقعہ ہوا میں پراپرٹی کا کام کرتا تھا کیس شروع ہوا تو پراپرٹی کا کام چھوڑ دیا ، جس کی وجہ سے میرے مالی معاملات بہت خراب ہیں اور والدین میرا خرچہ چلا رہے ہیں ، مقدمہ کے اندراج کے بعد تھانہ گولڑہ میں 4 سے 5 دفعہ گیا ، 8 جولائی کو میں نے بیان ریکارڈ نہیں کرایا بلکہ صرف سادہ پیپر پر مجھ سے انسپکٹر شفقت نے دستخط لیے۔ اس موقع پر پبلک پراسیکیوٹر نے کہا کہ بیان حلفی میں آپ کہتے ہیں ویڈیو میں نظر آنے والے وہ ملزمان نہیں ہیں ، کیا آپ کو واقعہ یاد ہے؟ کیا آپ بتا سکتے ہیں اس دن کیا ہوا تھا؟ ، اس پر متاثرہ لڑکے اسد نے کہا کہ جی مجھے وہ واقعہ یاد ہے لیکن ابھی میں اس واقعے کی تفصیل نہیں بتا سکتا اور نہ ہی مجھے یاد ہے کہ میں نے اور سندس نے اس روز کس رنگ کی شرٹ پہن رکھی تھی ، بعد ازاں پراسکیوٹر رانا حسن عباس نے متاثرہ لڑکی پر بھی ان کیمرہ عدالتی کارروائی کے دوران ہی جرح مکمل کی ، جس کے بعد سماعت ملتوی کردی گئی۔مزید اہم خبریں
-
دیامر بھاشا ڈیم کی تعمیر میں تاخیر کا خدشہ پیدا ہو گیا
-
رواں سال پاکستان کی معاشی ترقی 2 فیصد رہنے کا امکان ہے
-
آئندہ مالی سال میں پاکستان کو بیرونی فنانسنگ کیلئے 23 ارب ڈالرز کا تخمینہ لگا لیا گیا
-
جنرل اسمبلی: فلسطینی مبصر ریاست کے حقوق بڑھانے کی قرارداد بھاری اکثریت سے منظور
-
تھیلیسیمیا کا علاج اب جین تھیراپی سے ممکن
-
پنجاب حکومت نے تندوروں پر روٹی کی قیمت میں مزید کمی کا اعلان کردیا
-
عوامی سیاسی جماعت کو ”انتشاری گروہ“ کہہ کر ”معافی“ کا مطالبہ متفقہ طور پر مسترد کرتے ہیں
-
رفح سے انخلاء کے دوران یو این کا مزید امدادی راہداریاں کھولنے کا مطالبہ
-
9 مئی کے تمام قیدی اور قیدی نمبر804 اور بشریٰ بی بی پر کیسزختم کئے جائیں
-
خیبر پختونخوا کے نوجوانوں کو ہنر مند بنانے کا یورپی منصوبہ
-
جماعت اسلامی ری الیکشن نہیں چاہتی، فارم 45 پرانتخابی نتائج کی تشکیل ہمارا مطالبہ ہے
-
روزمرہ کی زندگی میں جدوجہد کرتی افغان خواتین
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.